دابەشکردنى هاوکارییەکان بەسەر خەڵکى لێقەوماوى لافاوەکەى چەمچەماڵ دەستپێدەکات

PUKMEDIA

دینارى عیراقى

ئەمڕۆ پڕۆسەی دابەشکردنی هاوکارى بەسەر زیانلێکەوتووانی لافاوەکەی چەمچەماڵ دەستیپێدەکات و سبەینێش زیانلێکەوتوانى ناحیەى شۆڕش، تەکیە و ئاغجەلەر هاوکارى وەردەگرن.

ئەمڕۆ دووشەممە پڕۆسەی دابەشکردنی هاوکارى بەسەر زیانلێکەوتووانی لافاوەکەی چەمچەماڵ دەستیپێدەکات، کە هەزار و 302 خێزان لە رێگەی چەکی بانکییەوە هاوکارییەکە وەردەگرن و پڕۆسەکەش ماوەى دوو رۆژ دەخایەنێت و هاوکارییەکان لە 400 هەزارەوە دەستپێدەکات ، بۆ شەش ملیۆن دینارى عیراقى.

هاوکات بە پێى خشتەی دابەشکردن، ئەمڕۆ تایبەت کراوە بە زیانلێکەوتووانی سەنتەری قەزاى چەمچەماڵ و سبەینێ سێشەممە 23ى12ى2025 دانیشتووانی ناحیەى شۆڕش، تەکیە و ئاغجەلەر هاوکارى وەردەگرن.



PUKMEDIA