کارمەندێکی هێزەکانی کۆماندۆ بە کارەساتێکی دڵتەزێن کۆچی دوایی کرد

راگەیاندنی فەرماندەیی هێزەکانی کۆماندۆی کوردستان

ئەحمەد عیزەدین عەبدولکەریم

درەنگانی شەوی رابردوو کارمەندێکی هێزەکانی کۆماندۆ بە ناوی (ئەحمەد عیزەدین عەبدولکەریم)، بە کارەساتێکی دڵتەزێن کۆچی دوایی کرد و فەرماندەیی هێزەکانی کۆماندۆی کوردستان-یش لەپرسەنامەیەکدا هاوخەمی ئاڕاستەی خانەوادە و بنەماڵەکەی دەکات، کە ئەمە دەقەکەیەتی:

﷽ 
(وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ) 
صدق الله العظيم

بەداخ و پەژارەیەکی زۆرەوە ھەواڵی مەرگی پێشمەرگەی فەرماندەییمان کاکە (ئەحمەد عیزەدین عەبدولکەریم) ڕادەگەیەنین، کە جوانە مەرگ درەنگانی شەوی دوو شەممە رێکەوتی ٢٢ لەسەر ٢٣ی کانونی یەکەمی ٢٠٢٥ بە کارەساتێکی دڵتەزێن گیانی سپارد.

بۆ ئەم کۆستە گەورەیە هەموو دڵتەنگ و خەمبارین و پرسە و ھاوخەمی خۆمان ئاڕاستەی خانەوادە و کەسوکار و بنەماڵە بەڕێزەکەی و هاوڕێ و هاوسەنگەرانی کاکە (ئەحمەد)ی جوانە مەرگ دەکەین، لەخوای گەورە داواکارین گیانی پاکی بە بەھەشتی بەرین شاد بکات و سەبووری هەموو لایەکمان بدات.

راگەیاندنی فەرماندەیی هێزەکانی کۆماندۆی کوردستان

PUKMEDIA