ئەو تۆمەتبارانە دەستگیركران كەبەناوی هێزی ئەمنییەوە هەڵیانكوتابووە سەر ماركێتێك

راگەیاندنی بەڕێوەبەرایەتی پۆلیسی پارێزگای سلێمانیراگەیاندنی بەڕێوەبەرایەتی پۆلیسی پارێزگای سلێمانی

وێنەی دوو تۆمەتبارەكە

مەفرەزەكانی بنكەی پۆلیسی سەیدسادق، دوو تۆمەتباریان دەستگیركرد كە بەناوی هێزی ئەمنییەوە هەڵیانكوتابووە سەر ماركێتێك.

بەڕێوەبەرایەتی پۆلیسی پارێزگای سلێمانی رایگەیاند: دوای ئەوەی مەفرەزەكانی بنكەی پۆلیسی سەیدسادق ئاگادار كرانەوە كە دوو تۆمەتبار بەناوی هێزی ئەمنییەوە هەڵیانكوتاوەتە سەر ماركێتێك، بڕیاری دادوەر بۆ رووداوەكە وەرگیراو دەستبەجێ لێكۆڵینەوە لەڕووداوەكە دەستیپێكرد سەرەنجام توانرا دوو تۆمەتبار بەناوەكانی (س، ع، س - ب، م، أ) دەستگیربكرێن كەسەر بەهیچ دام و دەزگایەكی ئەمنی نین.

راشیگەیاند: دەركەوتووە تۆمەتباران پێشینەی تاوانكاریان هەیە، لەئێستادا بەبڕیاری دادوەرو بەپێی ماددەی 432 لەیاسای سزادانی عیراقی راگیراون و لێكۆڵینەوە لەگەڵیاندا بەردەوامە.
راگەیاندنی بەڕێوەبەرایەتی پۆلیسی پارێزگای سلێمانی

PUKMEDIA