ئاڵوگۆڕی بازرگانی دەرەکی عیراق لەگەڵ چین و هیندستان 50٪ بووە

CBI's Facebook Page

بانکی ناوەندی عیراق

بانکی ناوەندی عیراق رێژەی ئاڵوگۆڕی بازرگانی لەگەڵ چین و هیندستان بۆ سالی رابڕدوو رادەگەیەنێت، کە کۆی ئاڵوگۆڕی بازرگانی لەگەڵ ئەو دوو وڵاتەدا نزیکەی 50%ی کۆی بازرگانیی دەرەکیی عێراق بووە.

بانکی ناوەندیی عیراق لەبارەی ئاڵوگۆری بازرگانی عیراق لەگەڵ چین و هیندستان ئاشکرایکرد: لەساڵی رابردوودا ئاڵوگۆڕی بازرگانیی عیراق لەگەڵ چین گەیشتووەتە 58.035 ملیار دۆلار، لەگەڵ هیندستانیش 31.102 ملیار دۆلار بووە، کە کۆی ئاڵوگۆڕی بازرگانی لەگەڵ ئەو دوو وڵاتەدا نزیکەی 50%ی کۆی بازرگانیی دەرەکیی عیراق بووە.

ئاماژەی بەوەشداوە:، تورکیا هاوبەشێکی سەرەکیی بازرگانی عیراق بووە، ئاڵوگۆڕی بازرگانیی نێوان هەردوو وڵات گەیشتووەتە 20 ملیار و 786 ملیۆن دۆلار، لە دوای ئەویش ئەمریکا بە 8.952 ملیار دۆلار، دواتر کۆریای باشوور بە 7.661 ملیار دۆلار و ئیمارات بە 5.307 ملیار دۆلار.

ئەوەش ئاماژەی پێکراوە، ئاڵوگۆڕی بازرگانی لەگەڵ یۆنان گەیشتووەتە 4 ملیار و 599 ملیۆن دۆلار، لەدوای ئەویش سعودیە گەیشتووەتە 2.771 ملیار دۆلار.

PUKMEDIA