پۆلیسی راپەرین دوو تۆمەتبار دەستگیردەکات

راگەیاندنی پۆلیسی رانیە

دوو تۆمەتبارەکە

پۆلیسی راپەرین، دەستگیرکردنی دوو تۆمەتباری راگەیاند، کە سێ ساڵە بە بەردەوامی دزیان لە فرۆشگایەک کردووە و دانیان بە تاوانەکەیاندا ناوە.

 لە راگەیەندراوێکدا بەڕێوەبەرایەتی پۆلیسی راپەڕین رایگەیاندووە، دوای سکاڵای هاووڵاتییەک، لە نوسینگەی نەهێشتنی تاوانی رانیە کە بە وتەی خۆی" لە فرۆشگای خوێندنگەی سەفین و راپەڕین دزی لێکراوە و پارەکی زۆر و خواردنی فرۆشگاکەیان لێ دزیووە" دەستمان کردووە بە لێکۆڵینەوە و پەراوی لێکۆڵینەوەمان بۆ دۆسیەکە کردوەتەوە و دوای بەدواداچوون توانیمان ناسنامەی تاوانباران ئاشکرابکەین و دوو تۆمەتبار دەستگیر بکەین.

راشیگەیاندووە، دوای لێکۆڵینەوە لەگەڵیان دانیان بە تاوانەکەیاندا ناو ئاماژەیان بەوەکرد لە مانگی نۆی ساڵی 2023 وە تا 20ی12ی2025 بە کاتی جیاجیا بەرێژەیەکی زۆر، کە نازانن چەندە  لەو فرۆشگەیەدا پارەیەکی زۆر و خواردنێکی زۆریان دزیوە.

پۆلیسی راپەرین ئەوەشی خستوەتەڕوو، بە بڕیاری دادوەر بە ماددەی  443 لە یاسایی سزادانی عیراقی تۆمەتباران راگیراون و یەکێک لە تۆمەتبارەکان تەمەنی لەخوار 18 ساڵییەوەیە و ئەوەی دیکەش لەسەرو 18 ساڵەوەیە.

PUKMEDIA