له‌ PUKMEDIA وه‌ هۆكاره‌كانی به‌رزبوونه‌وه‌ی نرخی دۆلار ده‌خرێته‌ڕوو

PUKMEDIA

دۆلاری ئەمریکی

تادێت نرخی دۆلار زیاتر به‌رزده‌بێته‌وه‌و خاوه‌نی نوسینگه‌یه‌كی ئاڵوگۆڕ‌ی دراویش له‌سلێمانی رایده‌گه‌یه‌نێت: پێشبینیده‌كه‌ین نرخه‌كه‌ زیاتر به‌رزببێته‌وه‌.

ره‌وه‌ز میرزا خاوه‌نی نوسینگه‌یه‌كی ئاڵوگۆڕ‌ی دراو له‌بازاری دراوه‌كه‌ی شاری سلێمانی به‌ وێبسایتی ره‌سمیی یه‌كێتیی نیشتمانیی كوردستان PUKMEDIA ی راگه‌یاند: هۆكاری به‌رزبوونه‌وه‌ی به‌های دۆلار به‌شێكی په‌یوه‌ندی به‌و باجه‌وه‌ هه‌یه‌ كه‌ حكومه‌تی عیراق خستوویەتییە سەر حەواڵەی دراو و به‌شێكی تریشی په‌یوه‌ندی به‌بارودۆخی ئێستای ئێران و گرژییه‌كانی ناوچه‌كه‌وه‌ هه‌یه‌.

وتیشی: له‌ئێستادا نرخی 100 دۆلاری ئه‌مریكی به‌رامبه‌ر به‌ 146 هه‌زار 500 یه‌، ئه‌گه‌ر ئاڵۆزییه‌كانی ئێران و ناوچكه‌و وڵاتان به‌رده‌وامبێت، چاوه‌ڕوانده‌كرێت نرخی دۆلار به‌رزتربێته‌وه‌و تمه‌نیش زیاتر داده‌به‌زێت، بۆیه‌ داوا له‌هاووڵاتیان ده‌كه‌م پاره‌كانیان به‌ دۆلار بهێڵنه‌وه‌، چونكه‌ له‌هه‌موو كاتێكدا دۆلار باشتره‌ له‌هه‌ر دراوێكی دیكه‌.

PUKMEDIA