وەزیری رۆشنبیری جەختیکردەوە رۆشنبیر و ئەدیب و نووسەران کۆمەڵی کوردەواریان پێشخستووە

نوسینگەى راگەیاندنى وەزیرى رۆشنبیرى و لاوان

حەمەی حەمەسەعید وەزیری رۆشنبیری و لاوانی حکومەتی هەرێمی کوردستان

وەزیری رۆشنبیری و لاوان سوپاسنامەی وەزارەت پێشکەش بە ژمارەیەک ئەدیب و رۆشنبیر و نووسەر کرد و ئامادەی رێوڕەسمی ناساندنی رۆمانی "ڕەشەڕێحانە" بوو.

حەمەی حەمەسەعید، وەزیری رۆشنبیری و لاوانی حکومەتی هەرێمی کوردستان، ئەمڕۆ لە هەڵەبجە سوپاسنامەی وەزارەتی بەخشی بە ژمارەیەک رۆشنبیر، ئەدیب، نووسەر و وەرگێڕی سنووری پارێزگای هەڵەبجە.

وەزیری رۆشنبیری و لاوان وێڕای دەربڕینی سوپاس و پێزانینی بۆ کەسایەتی و قەڵەمەکانی سنووری پارێزگای هەڵەبجە، جەختیکردەوە، رۆشنبیر و ئەدیب و نووسەران رۆڵێکی گرنگ و کاریگەریان گێڕاوە لە پێشخستنی کۆمەڵی کوردەواری و بە خزمەتەکانیان توانیویانە کتێبخانەی کوردی و کایەی رۆشنبیری کوردی دەوڵەمەندتر بکەن.

وەزارەتی رۆشنبیری و لاوان وەک دەربڕینی پێزانینی بۆ رۆڵی پێشەنگانەی نووسەر و ئەدیب و وەرگێڕ و هونەرمەندان لە ناوچە جیاجیاکانی هەرێمی کوردستان خەڵات و سوپاسنامەی رێزلێنانی پێشکەش بە قەڵەمە دیارەکانی کایەی رۆشنبیری و هونەرمەندانی داهێنەر کردووە.

هەر لە چوارچێوەی چالاکییەکانیدا، ئەمڕۆ وەزیری رۆشنبیری و لاوان ئامادەی رێوڕەسمی ناساندنی رۆمانی "ڕەشەڕێحانە" بوو، کە رەزا بەهمەنی نووسیویەتی و سەرکاو فەیرۆز کردوویەتی بە کوردی و د. ماجد خەلیل لە یانەی سیاوچەمانە خوێندنەوەی بۆ کرد.

PUKMEDIA