پەرلەمانتارێكی فەڕەنسا: كورد جەنگی مان و نەمان دەكات

ميدياكان

كۆنفرانسە رۆژنامەوانییەكە

ئەندامێكی پەرلەمانی فەڕەنسا رایدەگەیەنێت: كۆبانی كەبە رەمزی تێكۆشان و  رووخاندنی داعش ناسراوە، ئێستا گەمارۆدراوە و روبەڕوی بۆردومان و هێرش بووەتەوەو ئەمە جەنگێكی مان و نەمانە بۆ كورد، بۆیە دۆخەكە پێویستی بەئاگربەستێكی هەمیشەییە.

تۆماس پۆرتێس، ئەندامی پەرلەمانی فەڕەنسا، لە كۆنفرانسێكی رۆژنامەوانیدا كەنزیكەی 20 دەزگای راگەیاندنی ناوخۆیی و نێودەوڵەتی ئامادەیبوون رایگەیاند: ئاگربەستێكی هەمیشەیی زۆر پێویستە، چونكە گفتوگۆكانی ئاشتی بەبێ ئەوە سەركەوتوو نابن، كۆبانی، ئەو شارەیە كەبە رەمزی تێكۆشان و  رووخاندنی داعش ناسراوە، ئێستا گەمارۆدراوە و روبەڕوی بۆردومان و هێرشی زرێپۆش بووەتەوەو بێ ئاو و كارەبا ماوەتەوە، سەرەڕای ئەو ئاگربەستە ئیمزاكراوەی لەگەڵ سوپای سووریا هەیە.

راشیگەیاند: ئەمە جەنگێكی مان و نەمانە بۆ كورد لەدژی تیرۆریستانی جیهادی، هاوكات دوێنێ لە پەرلەمانی فەڕەنسا (كۆمەڵەی نیشتمانی) میوانداریی نوێنەرانی بەڕێوەبەریی خۆسەری باكوورو رۆژهەڵاتی سووریا و فەرماندەی یەكینەكانی پاراستنی گەل -YPG- مان كرد، بۆ تاوتوێكردنی ئەو بارودۆخە نائاساییەی، كە كورد لەسووریا روبەڕوی دەبێتەوە.

PUKMEDIA