رفعەت عەبدوڵڵا: بۆ هەمیشە رێبواری رێگای کوردایەتین

نوسینگەى رۆژنامەوانى رفعەت عەبدوڵڵا

رفعەت عەبدوڵڵا جێگری سەرۆکی یەکێتیی نیشتمانیی کوردستان

ئەمڕۆ شەممە 24ى1ى2026 رفعەت عەبدوڵڵا جێگری سەرۆکی یەکێتی، لە پەیامێکیدا بەهۆى ساڵیادى شەهیدکردنى مامە ریشە رایگەیاند: جەختدەکەینەوە، لە فیداکاری بۆ نیشتمان بەردەوامدەبین و رێبواری رێگای کوردایەتین بۆ هەمیشە.

رفعەت عەبدوڵڵا جێگری سەرۆکی یەکێتیی نیشتمانیى کوردستان، لە پەیامێکیدا رایگەیاند: لە ساڵیادی شەهیدکردنی (مامەڕیشە)ی هەڵقوڵاوی گڕكانی قوربانیدانی گەلێكی‌ زوڵملێكراو و پڵنگی چنگ بەگڕی یەکێتی و کوردستان، جەختدەکەینەوە، لە فیداکاری بۆ نیشتمان بەردەوامدەبین و رێبواری رێگای کوردایەتین بۆ هەمیشە.

ئاماژەی بە ئەوەشدا: ساڵیادی شەهیدکردنی مامە ریشە بە دەستی غەدر و خیانەت، هاندەرێکی گەورەیە بۆ هەموان هەتا لەسەر بنەماکانی کوردپەروەری و میللەتپەروەری وەک هەمیشە خەبات بکەین و سوربین لەسەر گیاننەویستی و بڕوابوون بە ئازادی مرۆڤ.

لە کۆتایى پەیامەکەیدا وتى: دروود بۆ رۆحی بەرزە فڕی ریشە و هەڤاڵەکانی و سەرجەم شەهیدانی کوردستان، خیانەتکارانیش بۆ زبڵدانی مێژوو.

PUKMEDIA