سلێمانی.. كه‌مپینی كۆكردنه‌وه‌ی ده‌رمان و پێداویستی پزیشكی بۆ رۆژئاڤا راگه‌یه‌ندرا

PUKMEDIA

کۆنگرەى رۆژنامەوانى هاوژین عوسمان سەرۆکی لقی سەندیکای کارمەندانی کوردستان

ئه‌مڕ‌ۆ دوو شه‌ممه‌ 26ی1ی2026 نۆ سه‌ندیكا و كۆمه‌ڵه‌ و رێكخراوی ته‌ندروستی، كه‌مپینێكیان بۆ هاوكاری و پشتیوانی رۆژئاڤا بۆ كۆكردنه‌وه‌ی ده‌رمان و پێداویستی پزیشكی راگه‌یاند، هاوكات ئه‌ندامێكی په‌رله‌مانی كوردستانیش له‌ فراكسیۆنی یه‌كێتی زیاتر له‌ 10 تۆن ده‌رمان و پێداویستی پزیشكی بۆ رۆژئاڤا دابینكرد.

هاوژین عوسمان، سه‌رۆكی لقی سلێمانی سه‌ندیكای كارمه‌ندانی ته‌ندروستی كوردستان له‌ كۆنگره‌یه‌كی رۆژنامه‌وانیدا رایگه‌یاند: نۆ سه‌ندیكا و كۆمه‌ڵه‌ و رێكخراوی ته‌ندروستی كه‌مپینێكمان بۆ هاوكاری و پشتیوانی رۆژئاڤا پێكهێنا، كه‌ ده‌رمان و پێداویستی پزیشكی كۆده‌كه‌ینه‌وه‌ و به‌چه‌ند كاروانێك ده‌یگه‌یه‌نین به‌ رۆژئاڤای كوردستان.

راشیگه‌یاند: دوێنێ كۆبوونه‌وه‌مان له‌گه‌ڵ نوێنه‌ری خۆسه‌ر و بریكاری وه‌زاره‌تی ته‌ندروستی و لێپرسراوی بۆردی رێكخراوه‌كان و مه‌ڵبه‌ندی رێكخستنی یه‌كێتی له‌ سلێمانی ئه‌نجامدا و بڕ‌یارماندا ئه‌م كه‌مپینه‌ بۆ پشتگیری خوشك و براكانمان له‌ رۆژئاڤا رابگه‌یه‌نین.

ئه‌وه‌شی خسته‌ڕ‌وو: كه‌مپینه‌كه‌ ماوه‌ی هه‌فته‌یه‌ك ده‌خایه‌نێت و به‌ چه‌ند جارێك هاوكارییه‌كان ده‌گه‌یه‌نینه‌ رۆژئاڤا، هه‌روه‌ها له‌لایه‌ن د.رێكه‌وت حه‌مه‌ ره‌شید-ه‌وه‌ زیاتر له‌ 10 تۆن ده‌رمان و پێداویستی پزیشكی دابینكردوه‌ و بڕیاره‌ ئه‌مڕۆ بگه‌یه‌ندرێته‌ كه‌مپینه‌كه‌مان.

PUKMEDIA