میكس میدیا په‌خشی كه‌ناڵه‌كانی ئه‌لجه‌زیره‌ و ئه‌لعه‌ره‌بیه‌ و ئه‌لحه‌ده‌س راده‌گرێت

PUKMEDIA

لۆگۆی كۆمپانیای یونایتد میكس میدیا

كۆمپانیای یونایتد میكس میدیا له‌ راگه‌یه‌ندراوێكدا كه‌ كۆپیيه‌كی بۆ PUKMEDIA نێدراوه‌ ئاماژه‌ بۆ ئه‌وه‌ده‌كات: "بڕ‌یارمانداوه‌ به‌ راگرتنی په‌خشی هه‌ر میدیایه‌ك كه‌ ناپیشه‌ییانه‌ و نائه‌خلاقیانه‌ كار بۆ شێواندنی راستیيه‌كان بكات دژی نه‌ته‌وه‌كه‌مان".

ده‌قی راگه‌یه‌ندراوه‌كه‌...

له‌ رۆژانی رابردوودا كه‌ناڵه‌كانی ئه‌لجه‌زیره‌ و ئه‌لعه‌ره‌بیه‌ و ئه‌لحه‌ده‌س له‌ میانه‌ی رووداوه‌كانی رۆژئاوای كوردستاندا بوونه‌ته‌ مینبه‌ری داكۆكی له‌ تیرۆرستان و نه‌ته‌وه‌په‌رستانی عه‌ره‌ب دژی گه‌لی كورد بۆ ناشرین كردن و شێواندنی وێنه‌ی جوانی گه‌لی كورد كه‌ له‌جیهاندا نمونه‌یه‌كی جوانی پێكه‌وه‌ژیان و ئاشتیخوازییه‌.

وه‌ك ئه‌ركێكی نیشتیمانی یونایتد میكس میدیا ناتوانێت ببێته‌ مینبه‌ر و بڵندگۆ بۆ دامه‌زراوه‌ی نه‌ته‌وه‌په‌رستی و ره‌گه‌زپه‌رستی دژی دۆزی ره‌وای گه‌لی كورد، بۆیه‌ بڕ‌یارماندا به‌ راگرتنی په‌خشی هه‌ر میدیایه‌ك كه‌ ناپیشه‌ییانه‌ و نائه‌خلاقیانه‌ كار بۆ شێواندنی راستیه‌كان بكات دژی نه‌ته‌وه‌كه‌مان.

كۆمپانیای یونایتد میكس میدیا له‌ساڵی 2012 دامه‌زراوه‌و وه‌ك تۆڕ‌ێكی نیشتیمانی په‌خشی كه‌ناڵه‌ میدیاییه‌كان ده‌گه‌یه‌نێته‌ هه‌موو ماڵێكی هه‌رێمی كوردستان به‌بێ جیاوازی ره‌نگه‌كان.

 PUKMEDIA