به‌ڕ‌ێوه‌به‌ری به‌نداوه‌كان: ئاستی ئاو به‌ڕ‌ێژه‌ی 200% زیادیكردووه‌

راگەیاندنى وەزارەتی کشتوکاڵ و سەرچاوەکانی ئاو

بەنداوی دێوانە

به‌ڕ‌ێوه‌به‌ری گشتی به‌نداوه‌كان و كۆگاكردنی ئاوی هه‌رێم رایده‌گه‌یه‌نێت: ئاستی ئاوی ژماره‌یه‌ك به‌نداو به‌ڕ‌ێژه‌ی 200% زیادیان كردووه‌و له‌گه‌ڵ زۆری باران بارینیشدا به‌نداوه‌ گه‌وره‌كان چه‌ند مه‌ترێكیان ماوه‌ بۆئه‌وه‌ی بگه‌ن به‌ئاستی ساڵی رابردوو.

ره‌حمان خانی به‌ڕ‌ێوه‌به‌ری گشتی به‌نداوه‌كان و كۆگاكردنی ئاو له‌هه‌رێمی كوردستان، به‌ وێبسایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند: ئاستی ئاوی ژماره‌یه‌ك به‌نداو به‌ڕ‌ێژه‌ی 200% زیادیان كردووه‌، چونكه‌ ئه‌گه‌ر ساڵی پار 100 ملیۆن مه‌ترسێجا ئاو هاتبێته‌ ناو به‌نداوه‌كانه‌وه‌، ئه‌وا ئه‌مساڵ 300 ملیۆن مه‌ترسێجا ئاو هاتووه‌ته‌ ناو به‌نداوه‌كان و رێژه‌ی ئاوی به‌نداوه‌كانی به‌ڕ‌ێژه‌یه‌كی به‌رچاو به‌رز كردووه‌ته‌وه‌.

راشیگه‌یاند: هه‌رچه‌نده‌ ئه‌مساڵ رێژه‌یه‌كی زۆر باران باریوه‌، به‌ڵام به‌نداوه‌ گه‌وره‌كان و به‌دیاریكراوی به‌نداوی دووكان زیاتر له‌ سێ مه‌تر ئاوی ماوه‌ بۆ ئه‌وه‌ی بگات به‌ئاستی ساڵی رابردوو، چونكه‌ ساڵی پار به‌هۆی كه‌می باران بارینه‌وه‌ ئاستی ئاوی به‌نداوه‌كان به‌ڕ‌ێژه‌یه‌كی زۆر دابه‌زی.

PUKMEDIA