هه‌ر كه‌ناڵێكی عه‌ره‌بی و بیانی بێ رێزی به‌رامبه‌ر كورد بكات په‌خشی راده‌گیرێت

راگەیاندنی وەزارەتی رۆشنبیری

وەزارەتی رۆشنبیری

وەزارەتی رۆشنبیری و لاوان، نووسراوێك ئاڕاستەی كۆمپانیاكانی پەخش دەكات و داوایان لێدەكات پەخشی كەناڵی بیانی و عەرەبییەكان لەڕایەڵەكانیان رابگرن، بەتایبەت ئەو كەناڵانەی لەئێستادا بوونەتە هۆكاری پشێوی و تێكدانی ئاشتەوایی كۆمەڵایەتی  و بێڕێزیكردن بەرامبەر بەنەتەوەی كورد.

وەزارەتی رۆشنبیری و لاوانی حكومەتی هەرێم، ئاگادارییەك بەناوی (پەخشنەكردنی كەناڵی بیانی) ئاڕاستەی كۆمپانیاكانی پەخشی United Mix Media-Live  Dream-Family Box-OBOX نجمة الاعلام دەكات و رایدەگەیەنێت: ئاماژە بە خاڵی 1 و 3 و 9 لەبڕگەی 3 لەماددەی 3 ی رێنماییی ژمارە 1ی ساڵی 2014 تایبەت بەڕێكخستنی فریكوێنسی سپیەیس لەهەرێمی كوردستان، ئاگادارتان دەكەینەوە كەپەخشی كەناڵی بیانی و عەرەبییەكان لەڕایەڵەكانتان رابگرن بەتایبەت ئەو كەناڵانەی كە لەباری ئێستای كوردستاندا بوونەتە هۆكاری پشێوی و تێكدانی ئاشتەوایی كۆمەڵایەتی  و بێڕێزیكردن بەرامبەر بەنەتەوەی كورد، بۆیە پەخشكردنی ئەو كەناڵانەی پێچەوانەی ماددەی ئاماژەپێكراوی سەرەوەن، هەروەها پێچەوانەی ماددەی 2 ن، لەهەمان رێنمایی بەتایبەت مۆڵەتدان و دابینكردنی فریكوێنسی،  بۆیە پێویستە تەنها بۆ پەخشی كەناڵە ناوخۆییەكان بێت.

راشیگەیاندووە: بەدەرچوونی ئەم ئاگادارییە پێویستە دەستبەجێ ناوەڕۆكەكەی جێبەجێ بكرێت.

ئەمەش لەكاتێكدایە، دوێنێ 27ی 1ی 2026، كۆمپانیای یونایتد میكس میدیا رایگەیاند: "بڕ‌یارمانداوە بە راگرتنی پەخشی هەر میدیایەك كە ناپیشەییانە و نائەخلاقیانە كار بۆ شێواندنی راستییەكان بكات دژی نەتەوەكەمان".

PUKMEDIA

دەقی ئاگادارییەكە: