پارێزگاری کەرکوک: خوێندکارە کوردەکە گەڕایەوە خوێندن

راگەیاندنی پارێزگاری کەرکوک

د. رێبوار تەها پارێزگاری کەرکوک

کێشەی ئەو خوێندکارە کوردەی کەرکوک کە لە سەرکێشانی ئاڵای کوردستان دوورخرایەوە لە خوێندن، چارەسەر کرا و پارێزگاریش دەڵێت: هیچ کێشەیەک نەماوەو ئەمڕۆ تاقیکردنەوەی خۆی ئەنجامداوە.

د. رێبوار تەها پارێزگاری کەرکوک بۆ کەناڵەکانی میدییا رایگەیاند: کێشەی خوێندکارەکەی کەرکوک کە بەکێشانی ئاڵای کوردستان گوزارشتی لە رای خۆی کردووە چارەسەرکراوەو بابەتەکە تەنها لێکتێنەگەیشتن روویداوە لەگەڵ مامۆستاکانی و ئێستا هەموو شتێک چاک بۆتەوەو مامۆستاکان و بەڕێوەبەرەکەشیان لای ئێمەن و خوێندکارەکەش ئەمڕۆ تاقیکردنەوەی خۆی کردوەو دۆخەکە ئاساییە.

وتیشی: کەرکوک شارێکی جوان و فرە نەتەوەیە و بەتایبەتیش لەم ئیدارەیەدا هەموو نەتەوەیەک ئازادە گوزارشت لەڕای خۆی بکات کە پێشێلکردنی تێدا نەبێت و لەسەر حسابی پێکهاتەی تر نەبێت.

PUKMEDIA