رفعەت عەبدوڵڵا: بەڵێنمانداوە رێبواری رێگەی خەباتی شەهیدە سەربەرزەکان بین

نوسینگەى راگەیاندنى رفعەت عەبدوڵڵا

رفعەت عەبدوڵڵا جێگری سەرۆکی یەکێتیی نیشتمانیی کوردستان

رفعەت عەبدوڵڵا جێگری سەرۆکی یەکێتیی نیشتمانیی کوردستان، بەهۆى 11 ساڵ تێپەڕبوون بەسەر شەهیدبوونی پۆلێک لە شەهیدانى یەکێتى پەیامێکى بڵاوکردەوە و رایگەیاند: ئەمڕۆ یادی پۆلێک شەهیدی یەکێتی دەکەینەوە ئەوانیش، لیوا حسێن مەنسور و لیوا شێرکۆ شوانی و هەڤاڵەکانی (نەشئەت جەمیل بنەیی، دانا عەباس بنەیی، مەریوان عەبدوڕەحمان بنەیی، کاوە محەمەد تۆفیق)، بەڵێنمان بە کوردستان و یەکێتی داوە رێبواری رێگەی خەباتی شەهیدە سەربەرزەکانبین.

دەقى پەیامەکە:

ئەمڕۆ یادی پۆلێک شەهیدی یەکێتی دەکەینەوە ئەوانیش، لیوا حسێن مەنسورو لیوا شێرکۆ شوانی و هەڤاڵەکانی (نەشئەت جەمیل بنەیی، دانا عەباس بنەیی، مەریوان عەبدوڕەحمان بنەیی، کاوە محەمەد تۆفیق)، لەڕۆژئاوای کەرکووک، لەڕووبەڕووبونەوەیەکی دەستەویەخەدا لەگەڵ تیرۆریستانی داعش، بوونە قەڵغانێکی پتەو بۆ پاراستنی کەرکوک و خوێنیان کردە خەڵاتی سەرفرازی کوردستان و خەونی گڵاوی تیرۆریستان و تاریکپەرستانیان لەگۆڕنا.
لەم یادە خەمگینەدا، سەری ڕێزو شکۆ لەبەردەم باڵای بەرزی ئەم پۆلە شەهیدە و سەرجەم شەهیدانی کوردستان دائەنەوێنین و بەڵێنمان بەکوردستان و یەکێتی داوە ڕێبواری ڕێگەی خەباتی شەهیدە سەربەرزەکانبین و وەفاداری ئەو خەون و خەباتەی ئەم پۆلە شەهیدە و سەرجەم شەهیدانبین کە بەنەبەردی و ورەی پۆڵایینیان بوونە سیمبولی قارەمانیەتی  و سەنگەری موقاوەمەتیان بەخوێن نەخشاند و تیرۆریستانیان تێکشکاند.

ڕفعەت عەبدوڵا
جێگری سەرۆکی یەکێتیی نیشتمانیی کوردستان


PUKMEDIA