فەرەنسا پشتگیری رێککەوتنی نێوان مەزلوم عەبدی و ئەحمەد شەرع دەکات

frenchly

کۆشکی ئیلێزێ

سەرۆک کۆماری فەرەنسا لە پەیوەندییەکی تەلەفۆنیدا لەگەڵ فەرماندەی گشتیی هەسەدە و سەرۆکى حکومەتى کاتى سوریا، رێککەوتنی ئاگربەستیان تاوتوێ کرد.

کۆشکی ئیلێزێ رایگەیاند: ئیمانوێل ماکرۆن، سەرۆکی فەرەنسا لە رێگەی  پەیوەندى تەلەفۆنیەوە لەگەڵ مەزلوم عەبدی، فەرماندەی گشتیی هێزەکانی سوریای دیموکرات (هەسەدە) و ئەحمەد شەرع سەرۆکی حکومەتی کاتی سوریا، دواین پێشهاتەکانی ناوچەکەیان تاوتوێ کردووە و راگەیەندراوێکى بڵاوکردەوە، کە فەرەنسا پاڵپشتی ئاگربەست دەکات.

لە راگەیەنراوەکەدا هاتووە: لە هەوڵەکانی نێوەندگیری کە لە چەند هەفتەی رابردوودا هەبوو، ماکرۆن پێشوازی لە رێککەوتنی ئاگربەستی هەمیشەیی نێوان حکومەتی کاتی سوریا و هێزەکانی (هەسەدە) کرد، هەروەها ناوبراو جەختی لەسەر پێویستی جێبەجێکردنی تەواوی بڕگەکانی رێککەوتنەکە و پاڵپشتی فەرەنسا بۆ ئەم رێککەوتنە کردەوە.

ماکرۆن ئاماژەی بەوەشکردوە: وڵاتەکەی و هاوبەشەکانی گرنگی بە بەردەوامیی شەڕی داعش دەدەن، چونکە ئەمە لەگەڵ بەرژەوەندییە ئەمنییەکانی فەرەنسا و ناوچەکە و ئەوروپا و ئەمریکادا دەگونجێت.

PUKMEDIA