لە ئەڵمانیا دژی سیاسەتەکانی گۆڤاری دێر شپیگل خۆپیشاندان ئەنجام دەدرێت

PUKMEDIA

وێنەی کەزی شەڕفانان و گۆڤاری دێر شپیگل

گۆڤاری دێر شپیگل-ی ئەڵمانیا، رۆڵێکی خراپ لەسەر پرسی رۆژئاڤا دەبینێت و دژی سیاسەتەکانیشی سبەینێ رەوەندی کوردی لەبەردەم باڵەخانەی گۆڤارەکە خۆپیشاندانێکی ناڕەزایی رێکدەخات.

گۆڤاری دێر شپیگل-ی ئەڵمانیا،  ماوەیەکە رۆڵێکی خراپ لەسەر پرسی رۆژئاڤا دەبینێت و لە بابەتێکی پێشوویدا رایگەیاند بوو، کورد دژی ئاشتەواییە و مەرجەکانی ئاشتی ئەحمەد شەرع  سەرۆککۆماری سوریا قبوڵ ناکەن.

لە دواین راپۆرتیدا، لەگەڵ بڵاوکردنەوەی وێنەی ئەو چەکدارەی کە کەزی شەڕڤانەکەی بەدەستەوەیە، ئاماژەی بەوەکردووە، هێزەکانی سوریای دیموکرات سۆشیال میدیا بەکاردەهێنن بۆ پاڵپشتی جیهانی، دەشڵێت:" ئەو گرتە ڤیدیۆیە راست نییە و مەرج نییە هەر شتێک لە سۆشیال میدیا بڵاودەکرێتەوە راست بێت".

لەبەرامبەر ئەو سیاسەتەی گۆڤارەکە، بڕیارە رۆژی 9ی2ی2026، سەعات 4 دوا نیوەڕۆ لەبەردەم باڵەخانەی دێر شپیگل، خۆپیشاندانێکی گەورە ئەنجام بدرێت.

PUKMEDIA