وەزارەتی کارەبا: هیچ گۆڕانکارییەک لە نرخ و وادەی کارەبا نەکراوە

راگەیاندنى وەزارەتى کارەبا

لۆگۆی وەزارەتی کارەبا

وەزارەتى کارەباى حکومەتى هەرێم راگەیەنراوێکى بڵاوکردەوە و رایگەیاند: نرخی کارەبا هەمان نرخە کە بە رێگای یاسایی پەسەندکراوە و لە وەقائعی کوردستان بڵاوکراوەتەوە، نرخەکانیش دیاریکراوە.

وەزارەتی کارەبا لە راگەیەنراوێکدا رایگەیاند: هاوبەشانی کارەبا ئاگادار دەکەینەوە، نرخی کارەبا هەمان نرخە کە بە رێگای یاسایی پەسەندکراوە و لە وەقائعی کوردستان بڵاوکراوەتەوە، نرخەکانیش دیاریکراوە بۆ یەک مانگ حساب دەکرێت، هاوکات پێدانی كرێی کارەبا بە رێگای ئۆنلاین هەنگاوێکی شارستانی، پێشکەوتوو، شەفافە و ئاسانکاریشە بۆ هاووڵاتییان بۆئەوەی بتوانن بە بێ سەردانیکردنی فەرمانگەکانی کارەبا کرێی کارەباکەیان بدەن.

روونیشى کردەوە: سەبارەت بە کرێی کارەباش لە مانگی یەک بەهۆی شەپۆلی سەرما و دابەزینی پلەکانی گەرما زۆرێک لە هاوبەشان بڕی کارەبای زیادیان بەکارهێناوە، بۆیە لە مانگی یەک کرێی کارەبا زیاتر بۆیان هاتوەتەوە، ئەگەر هەر گرفتێکیش بۆ هەر هاوبەشێک دروست بووبێت، ئەوا لە فەرمانگەکانی فرۆشتنی کارەبا، تیمی تایبەت چارەسەری گرفتەکە دەکەن.

PUKMEDIA