ئەمڕۆ کۆتا وادەى سوێندخواردنى کاندیدە دەرچووەکانى پەرلەمانە

PUKMEDIA

ئەنجومەنى نوێنەرانى عیراق

ئەمڕۆ کۆبوونەوەى ئەنجومەنى نوێنەرانى عیراق ئەنجام دەدرێت و دوا وادەی سوێندخواردنى ئەو کاندیدە دەرچووانەیە کە تا ئێستا سوێندى دەستوریان نەخواردووە.

وا بڕیارە ئەمڕۆ دووشەممە 9ى2ى2026 ئەنجومەنى نوێنەرانى عیراق حەوتەمین کۆبونەوەى ئاسایى خۆى ئەنجام بدات و بە پێى کارنامەى دانیشتنەکە، یەکێک لە تەوەرەکان سوێندخواردنى دەستورى ئەو کاندیدە دەرچووانەیە کە تا ئێستا سوێندیان نەخواردووە.

هاوکات لە کارنامەکەدا هاتووە، بڕگەیەکى دیکەى دانیشتنەکە  دەنگدان لەسەر لیژنە هەمیشەییەکانى ئەنجومەنەکە ئەنجامدەدرێت.

بەدر مەحمود فەحل کە لە ئێستادا پارێزگارى سەلاحەدینە و یەکێکە لە کاندیدە دەرچووەکانى پارێزگاکە بۆ ئەنجومەنى نوێنەرانى عیراق، ئەمڕۆ سوێندى دەستورى نەخوات و خواستى لەسەر ئەوە بێت کە وەک پارێزگارى سەلاحەدین بمێنێتەوە، لە پاش ئەو هەر کاندیدێک زۆرترین دەنگى پارێزگاکەى بەدەستهێنابێت ئەو کاندیدە دەبێت بە ئەندامى ئەنجومەنى نوێنەرانى عیراق، کە کەریم مەلا شکور کانیدى یەکێتیى نیشتمانیى کوردستان لە پاش بەدر مەحمود فەحل زۆرترین دەنگى بەدەستهێناوە و دەبێتە ئەندامى ئەنجومەنەکە.

PUKMEDIA