لیژنه‌یه‌ك بۆ هه‌مواری په‌یڕه‌وی ناوخۆی لیژنه‌كان پێكهێنرا

راگه‌یاندنی ئه‌نجومه‌نی نوێنه‌ران

دانیشتنی ئەنجومەنی نوێنەرانی عیراق

ئه‌مڕۆ ئه‌نجومه‌نی نوێنه‌رانی عیراق به‌ئاماده‌بوونی 216 ئه‌ندامی په‌رله‌مان دانیشتنێكی ئاسایی ئه‌نجامداو تێیدا لیژنه‌یه‌ك پێكهێنرا بۆ هه‌مواری په‌یڕه‌وی ناوخۆی لیژنه‌ په‌رله‌مانییه‌كان.

 به‌پێی راگه‌یه‌ندراوێكی راگه‌یاندنی ئه‌نجومه‌نی نوێنه‌رانی عیراق، دانیشتنه‌كه‌ به‌سه‌رۆكایه‌تی هه‌یبه‌ت حه‌لبوسی ئه‌نجامدراوه‌و لیژنه‌یه‌ك به‌ سه‌رۆكایه‌تی عه‌دنان فه‌یحان جێگری یه‌كه‌می سه‌رۆكی ئه‌نجومه‌نه‌كه‌ بۆ هه‌مواری په‌یڕه‌وی ناوخۆی لیژنه‌ په‌رله‌مانییه‌كان پێكهێنراو پاشان دانیشتنه‌كه‌ هه‌ڵگیرا.

 هه‌ر چه‌نده‌ بڕیاربوو ئه‌مڕۆ ژماره‌یه‌ك له‌ئه‌ندامی ئه‌نجومه‌ن سوێندی ده‌ستووری بخۆن و ده‌نگ له‌سه‌ر لیژنه‌ هه‌میشییه‌كان بدرێت، به‌ڵام كارنامه‌كه‌ی دانیشتنه‌كه‌ جێبه‌جێ نه‌كراو دانیشتنه‌كه‌ هه‌ڵگیرا.

PUKMEDIA