وەزارەتی بازرگانی: لەمانگی رەمەزاندا چاودێری بازاڕ توندتر دەکرێت

میدیاکان

ناوبازاڕ

وەزارەتی بازرگانی و پیشەسازی هەرێم رایدەگەیەنێت: لە مانگی رەمەزاندا چاودێریی بازاڕ توندتر دەکرێت و رێگە بە گرانکردنی نرخ و قۆرخکاری نادرێت.

لەڕاگەیەنراوێکدا کە وێنەیەکی بۆ PUKMEDIA نێردراوە، وەزارەتی بازرگانی و پیشەسازی هەرێم رایگەیاندووە، بەهۆی زۆری خواست لەسەر کاڵاو کەلوپەلی خۆراک لە مانگی رەمەزاندا رێگەنادرێت  قورخکاری و گرانکردنی نرخی کاڵاکان ئەنجام بدرێت.

راشیگەیاندووە: بریاردراوە چاودێری بازاڕ چڕ بکرێتەوە و هەماهەنگی تەواو بکرێت لەگەڵ خاڵە سنورییەکان بۆ ئەوەی هیچ کاڵایەکی بێ کوالێتی یان ماوەبەسەرچوو نەهێنرێتە ناوەوە، هاوکات لیژنەکان دەسەڵاتی تەواویان پێ دەدرێت بۆ سزادانی هەر بازرگان یان فرۆشیارێک کە بیەوێت ئەم مانگە بۆ بەرژەوەندیی تایبەتی بقۆزێتەوە و نرخەکان گران بکات.

PUKMEDIA