ئاسایشى سلێمانى ژمارەیەک شوێنەوارى گرنگ بۆ مۆزەخانە دەگەڕێنێتەوە

PUKMEDIA

وێنەیەکى کۆنگرەکە

دواى دەستبەسەردا گرتنى "272 سکە"ى مێژوویى، ئەمڕۆ تەسلیم بە مۆزەخانەى سلێمانى دەکرێت و وته‌بێژی ده‌زگای ئاسایشی هه‌رێمیش رایگەیاند: دواى لێکۆڵینەوە لە لایەن بەڕێوەبەرایەتى ئاسایشى سلێمانى "حەوت کەس" لەسەر ئەو بابەتە دەستگیرکراون.

لە کۆنگرەیەکى رۆژنامەوانیدا هاشم حەمە عەبدوڵڵا بەڕێوەبەری مۆزەخانەی سلێمانی، رایگەیاند: ئەمڕۆ رۆژێکى گرنگە بۆ ئێمە لە بەڕێوەبەرایەتى شوێنەوار و مۆزەخانەى سلێمانى، ئەو دراوانەى دەستى بەسەردا گیراوە لە مۆزەخانەى سلێمانى دادەنرێت، کە بۆ ئێمە دەستکەوتێکى گرنگە، دەبێتە بابەتێکە شوێنەوارى زۆر گرنگ بۆ مۆزەخانەى سلێمانى .

هەر لە کۆنگرەکەدا عه‌قید كارزان شێركۆ وته‌بێژی ده‌زگای ئاسایشی هه‌رێمى کوردستان، رایگەیاند: دواى بەدواداچوون و کۆکردنەوەى زانیارى لە کۆتاییەکانى ساڵى 2025 توانى دەستبگرێت بەسەر 272 سکەى مێژوویى کە مێژووەکەى دەىگەڕێتەوە بۆ سەدەى 18ى زاینى.

رووونیشیکردەوە: دواى لێکۆڵینەوە و بەدواداچوون لە لایەن بەڕێوەبەرایەتى ئاسایشى سلێمانى "حەوت کەس" لەسەر ئەو بابەتە دەستگیرکرا و ئێستا دۆسیەکە لە دادگاى لێکۆڵینەوەى ئاسایشە.

ئەوەشى خستەڕوو: ئەمڕۆ "272 سکەکە" بە سوپاسەوە بە پێى یاساى "24" ى شوێنەوار، تەسلیمى مۆزەخانەى سلێمانى دەکرێت.  

PUKMEDIA