ئەمیندارییەتى وەزارەتی پێشمەرگە و بەرێوەبەرایەتی باخچەکان هەڵمەتى نەمام چاندنیان ئەنجامدا

تایبەت

وێنەیەکى هەڵمەتەکە

بەسەرپەرشتی ئەمینداری گشتی وەزارەتی پێشمەرگە و بەهاوبەشی تیمەکانی بەرێوەبەرایەتی باخچەکانی سلێمانی هەڵمەتێکی نەمام چاندن لە شەقامی کەمپی زانکۆی سلێمانی ئەنجام دەدرێت.

ئەمڕۆ یەکشەممە،22  شوباتی 2026، لیوا روکن بەختیار محەمەد صدیق ئەمینداری گشتی وەزارەتی پێشمەرگە، بەشداریکرد لە هەڵمەتێکی نەمام چاندن لە سلێمانی.

هەڵمەتەکە بە هاوبەشی لە نێوان ئەمیندارییەتی گشتی وەزارەتی پێشمەرگە و بەرێوەبەرایەتی باخچەکانی سلێمانی بەئامانجی زیادکردنی رێژەی سەوزایی لە شاری سلێمانی بەڕێوەچوو، تیایدا بە سەدان نەمام بە درێژایی شەقامی کەمپی زانکۆی سلێمانی لە لایەن ستافی ئەمیندارییەتی گشتی و تیمەکانی بەرێوەبەرایەتی باخچەکانی سلێمانی چێندران.

PUKMEDIA