گفتوگۆکانی ئێران و ئەمریکا دەستپێدەکاتەوە

کوردسات نیوز

ئاڵای ئەمریکا و ئێران

بەدر ئەلبوسەعیدی وەزیری دەرەوەی سەڵتەنەتی عومان بە رەسمیی رایگەیاند، بڕیارە خولی نوێی گفتوگۆکانی نێوان تاران و واشنتن لە رۆژی پێنجشەممەی داهاتوو لە شاری ژنێڤ-ی سویسرا بەڕێوە بچێت.

لە تویتێکدا وەزیری دەرەوەی عومان ئاماژەی بەوە کردووە، پاڵنەرێکی ئەرێنی هەیە لە لایەن هەردوولاوە بۆ ئەوەی هەنگاوی زیاتر بنێن بەرەو کۆتاییهێنان و واژۆکردنی رێککەوتنی کۆتایی.

ئەم راگەیاندنەی عومان، کە هەمیشە وەک نێوەندگیرێکی سەرەکی لە نێوان تاران و واشنتن کار دەکات، ئومێدێکی زۆری بۆ هێوربوونەوەی ئەو گرژییە سەربازییانە دروست کردووە کە لە چەند رۆژی رابردوودا ناوچەکەی گرتووەتەوە.

PUKMEDIA