لەناوچە شاخاوییەکانی هەڵەبجە ئاگربڕ دەکرێت

راگەیاندنی پارێزگای هەڵەبجە

کۆبونەوەکەی پارێزگار لە دیوانی پارێزگای هەڵەبجە

لە دیوانی پارێزگای هەڵەبجە کۆبونەوەیەک ئەنجامدرا کە پارێزگار سەرپەرشتی دەکرد، تێیدا رێکارەکانی ئامادەکاری بۆ پرۆسەی ئاگربڕ لە ناوچە شاخاوییەکان خرایە بەرباس و رۆژانی داهاتوودا دەستپێدەکات.

ئەمڕۆ،دووشەمە بەسەرپەرشتی نوخشە ناسیح پارێزگاری هەڵەبجە، لە دیوانی پارێزگا،  بە ئامادەبوونی لایەنە پەیوەندیدارەکان، کۆبوونەوەیەکی تایبەت بۆ داڕشتنی پلانی "ئاگر بڕ" و پاراستنی ناوچە شاخاوییەکان بەڕێوەچوو، سەرەتای کۆبوونەوەکە، بەدەربڕینی رێز و وەفا بۆ یادی گیانی پاکی شەهیدانی ژینگە دەستیپێكرد، تاوتوێی پلان و میکانیزمی جێبەجێکردنی کارەکان كرا، و بە وردی باس لە رێوشوێنەکانی تایبەت بە ئەنجامدانی پڕۆسەی ئاگربڕی ناوچە شاخاوییەكان کرا و چارەسەركردنی ئەو کەموکوڕییانەی لە ساڵانی پێشوودا هەبوون.

 پارێزگار بڕیاریدا بە پێکهێنانی لیژنەیەکی تایبەتمەند لە سەرجەم لایەنە پەیوەندیدارەکان بۆ بەدواداچوون و جێبەجێکردنی کارەکان لە ماوەیەکی دیاریکراودا.

PUKMEDIA