هەرێمی كوردستان دەبێتە خاوەنی یەك هێزی پێشمەرگەی یەكگرتوو

PUKMEDIA

لۆگۆی وەزارەتی پێشمەرگە

لەچوارچێوەی هەوڵەكانی چاكسازی لە هێزی پێشمەرگەی كوردستان، دەسەڵاتی (كارگێڕی، دارایی، یاسایی، پەیوەندییەكان)ی فەرماندەی فەرماندەیی دەڤەرەكانی وەزارەتی پێشمەرگە ئیمزا كرا.

بەپێی راگەیەندراوێكی حكومەتی هەرێمی كوردستان لەچوارچێوەی ڕێكخستن و یەكخستنەوەی هێزەكانی پێشمەرگەی كوردستان ئەمڕۆ، دەسەڵاتەكانی فەرماندەیی دەڤەرەكانی ئیمزاكراوە، بەپێی وتەی حكومەت ئەمە خواستێكی هاوپەیمانان و  پێكهاتەكانی وەزارەتی پێشمەرگەو ڕێكەوتنی ستراتیژی بوو بۆ یەكخستنەوەی هێزی پێشمەرگەی كوردستان و وەزارەتی پێشمەرگە لەم پڕۆسەیەدا هەوڵی زۆرییان داوەو كارییان بۆیكردووە.

هەر لەوبارەیەوە وەزارەتی پێشمەرگە لەڕاگەیەندراوێکدا ئاماژە بۆ ئەوە دەکات ،ئەم بڕیارە وەک هەنگاوێکی گرنگ بۆ چەسپاندنی سیستەمێکی سەربازیی یەکگرتوو دێت لەناو هێزی پێشمەرگەدا و بەپێی ئەم بڕیارە نوێیە، فەرماندەی دەڤەرەکان لە چوارچێوەی وەزارەتی پێشمەرگەدا خاوەن دەسەڵاتی دیاریکراو دەبن لە بوارەکانی کارگێڕی، دارایی، یاسایی،ڕاگەیاندن و پەیوەندییەکان. بە پێی ئەم هەنگاوە فەرماندەیی دەڤەرەکان بە شێوەیەکی رەسمی و لەژێر ڕێنماییە یاساییەکانی وەزارەتی پێشمەرگەدا کاروبارەکانیان ڕادەپەڕێنن.

PUKMEDIA