له‌پارێزگاكانی هه‌رێمی كوردستان پچڕانی كاره‌با دروستبوو

PUKMEDIA

وێستگەی دابەشکردنی کارەبا

كاره‌بای 24 سه‌عاتی له‌هه‌رێمی كوردستان كێشه‌ی تێكه‌وت و له‌به‌شێكی شاروشارۆچكه‌كانی هه‌رێمی كوردستان كاره‌با بڕا.

ئه‌مه‌ش له‌كاتێكدایه‌، له‌ڕ‌اگه‌یاندنێكی هاوبه‌شدا وه‌زاره‌تی سامانه‌ سروشتییه‌كان و وه‌زاره‌تی كاره‌با رایانگه‌یاند: كۆمپانیای داناگاز هه‌نارده‌كردنی گازی سروشتیی بۆ وێستگه‌كانی به‌رهه‌مهێنانی كاره‌با راگرت، به‌ هۆیه‌وه‌ توانای به‌رهه‌مهێنانی كاره‌با به‌ بڕ‌ی 2500- 3000 مێگاوات كه‌م ده‌بێته‌وه‌.

له‌ڕ‌اگه‌یه‌ندراوه‌ هاوبه‌شه‌كه‌دا ئاماژه‌ به‌وه‌شكراوه‌، به‌هۆی ئه‌و بارودۆخه‌ نائاسایی و شه‌ڕ‌ه‌ی له‌ناوچه‌كه‌دا ڕ‌وویداوه‌، كۆمپانیای داناگاز هه‌نارده‌كردنی گازی سروشتیی بۆ وێستگه‌كانی به‌رهه‌مهێنانی كاره‌با راگرت، به‌ هۆیه‌وه‌ توانای به‌رهه‌مهێنانی كاره‌با به‌ بڕ‌ی 2500- 3000 مێگاوات كه‌م ده‌بێته‌وه‌.

راشیگه‌یاند: وه‌زاره‌تی كاره‌با به‌ پشتبه‌ستن به‌و سه‌رچاوانه‌ی دیكه‌ی به‌رهه‌مهێنانی كاره‌با، هه‌وڵده‌دات كاریگه‌رییه‌كانی كه‌مبوونه‌وه‌ی به‌رهه‌مهێنانی كاره‌با له‌سه‌ر هاوبه‌شانی كه‌مبكاته‌وه‌.

به‌پێی زانیارییه‌كانی PUKMEDIA له‌هه‌ر چوارپارێزگای هه‌رێمی كوردستان پچڕانی كاره‌بای 24 سه‌عاتی روویداوه‌و كاتی ئاسایی كردنه‌وه‌ی كاره‌با دیارنییه‌.

PUKMEDIA