عیراق داخستنى ئاسمانى وڵاتەکەى بۆ 48 سەعاتى دیکە درێژکردەوە

فلای رادار

ئاسمانی عیراق و وڵاتانی ناوچەکە

ئەمڕۆ دووشەممە 2ی ئازاری 2026 دەسەڵاتی فڕۆکەوانی شارستانی عیراق درێژکردنەوەی ماوەی داخستنی ئاسمانی عیراقی بۆ ماوەی 48 سەعاتی دیکە راگەیاند.

لە بەیاننامەیەکدا، دەسەڵاتى فڕۆکەوانى شارستانى عیراق رایگەیاند: بڕیارماندا داخستنی ئاسمانی عیراق بۆ هەموو فڕۆکە هاتوو و رۆیشتوو و ترانزێتییەکان بۆ ماوەی 48 سەعات درێژبکەینەوە، کە لە سەعات 12:00ی پاشنیوەڕۆی رۆژی دووشەممە 2ی ئازاری 2026 دەستپێدەکات، تاوەکو سەعات 12:00ی پاشنیوەڕۆی رۆژی چوارشەممە 4ی ئازاری 2026، وەک رێکارێکی کاتی و خۆپارێزی.

ئاماژەی بەوەشکردووە: ئەم بڕیارە لەسەر بنەمای هەڵسەنگاندنی بەردەوامی دۆخی ئەمنییە و لە ژێر رۆشنایی پێشهاتەکان و گرژییەکانى ناوچەکەیە.

وەزارەتی گواستنەوە و گەیاندنى عیراق رۆژی شەممە 28ى2ى2026 داخستنی ئاسمانی عیراقی راگەیاند، دوای هێرشەکانی ئەمریکا و ئیسرائیل کە تارانی پایتەختی ئێران و شارەکانی دیکەی ئێرانیان کردە ئامانج، هەروەها زۆربەی وڵاتانی دیکەی ناوچەکە ئاسمانی خۆیان داخست.

PUKMEDIA