میلانیا ترەمپ سەرپەرشتی کۆبوونەوەی ئەنجوومەنی ئاسایش دەکات

UN Website

میلانیا ترەمپ

لە هەنگاوێکی مێژووییدا، میلانیا ترەمپ خانمی یەکەمی ئەمریکا، رۆژی دووشەممە سەرپەرشتی کۆبوونەوەی ئەنجوومەنی ئاسایشی کرد کە تایبەت بوو بە دابینکردنی پەروەردە و فێرکردنی منداڵان لەو ناوچانەی ئاڵۆزییان تێدایە.

ئەمە یەکەم جارە لە مێژوودا هاوسەری سەرۆکێکی ئەمریکا سەرپەرشتی دانیشتنی ئەنجومەنی ئاسایش بکات، هاوکات سەرنجی دانیشتنەکە لەسەر پرسی منداڵان و تەکنەلۆژیا و پەروەردە بوو، کە خانمی یەکەمی ئەمریکا گرنگییەکی سەرەکی پێدەدات و وەک سەرپەرشتیاری کۆبوونەوەکە داوای لە نوێنەرانی وڵاتان کرد تێبینییەکانیان لەسەر ئەو پرسە بخەنەڕوو.

لەکۆبوونەوەکەدا میلانیا ترەمپ ئاماژەی بەوەکرد:"رێگای ئاشتی پەیوەستە بەوەی ئێمە بەرپرسیارێتی بەهێزکردنی منداڵەکانمان لەڕێگەی پەروەردە و تەکنەلۆژیاوە لە ئەستۆبگرین" هەروەها باسی لەو ئاڵەنگارییانە کرد کە جیهان لە ئێستادا ڕووبەروی دەبێتەوە و ئاماژەی بەوەدا، "ئەمریکا لە سەرانسەری جیهاندا لەگەڵ گشت منداڵان دەوەستێتەوە بەو هیوایەی بەم زووانە ئاشتی هی ئێوە بێت."

PUKMEDIA