سەندیکای رۆژنامەنووسان راگەیەندراوێکی بە پەلەی بۆ میدیاکاران بڵاوکردەوە

PUKMEDIA

لقی سلێمانی سەندیکای رۆژنامەنووسانی کوردستان

دوای کەوتنەخوارەوەی درۆنێک لە بارەگای پێشووی یو ئێن لەسلێمانی، سەندیکای رۆژنامەنووسانی کوردستان رێنماییەکی بەپەلەی بۆ میدیاکانی سلێمانی بڵاوکردەوە.

لەڕاگەیەندراوێکدا لقی سلێمانی سەندیکای رۆژنامەنووسانی کوردستان رایگەیاند: لەگەڵ دەستپێکردنی شەپۆلی موشەک باران و جەنگی سیبرانی و شەڕی درۆنی ھەردوو بەرەی جەنگەکە، ئەرکی میدیاو بەرپرسیاریەتی میدیاکاران زیاتر دەبێت،
داواکارین لە کەناڵەکانمان لە سنوری پارێزگای سلێمانی و دەوروبەری، وردبینی زیاترو بەرپرسیارێتی و بەئاگابوونی زۆرتر پەیڕەو بکەن پێش بڵاوکردنەوەی ھەر بەپەلەو ھەواڵ و راپۆرتێک کە جوگرافیاو وردەکاری جەنگی پێوەدیار بێت، چونکە ھەندێک بابەتی میدیایی دەبنە چاوساغی بۆ لایەنەکانی ھێرشبەر، ھەندێکی تریان دەبنە مایەی روخانی ورەی شەقام و ھاووڵاتیان.

راشیگەیاند:پاراستنی گیانی تەبایی و ورەی جەماوەری کوردستان لە ئەرکە سەرەکیەکانی ئەم قۆناغەمان دەبێت، بۆیە داواکارین بە تەنگ رێنمایی و داواکاریەکانمانەوە بێن و کوردستانمان پارێزراو بێت و سەلامەتی تیمە میدیاییەکانمان لە پێشینەی کارو دیسپلینمان بێت..

PUKMEDIA