لەمڕۆژەدا هاووڵاتیانی بازیان دیكتاتۆریان لەناوبرد

ئەرشیفی PUKMEDIA

بازیان

ئەمڕۆ 35 ساڵ بەسەر راپەڕینی هاووڵاتیانی ناوچەی بازیان و دەوروبەریدا تێپەڕ دەبێت.

ئەمڕۆ 6-3-2026، 35 ساڵ بەسەر راپەڕینی هاووڵاتیانی بازیان تێپەڕ دەبێت، كەڕۆژێك دوای راپەڕین-ی شاری رانیەی دەروازەی راپەڕینە، هاووڵاتیانی بازیان دژی زوڵم زۆری رژێمی بەعسی فاشیزم لەناوچەكە راپەڕین و تەخت و تاراجی دیكتاتۆرییەتیان لەناوبردو تەپڵی سەركەوتنی كۆتایی هێنان بە زوڵم زۆریان لێدا، دواتریش شارەكانی تری وەك سلێمانی و هەولێر و دهۆك و كەركوكی قودسی كوردستان-یش راپەڕین و كۆتایی بە زوڵم و زۆری حزبی بەعسی فاشیزم هێنرا.

جێگای باسە، پێشكەوتنی راپەڕین لەبازیان، رۆڵێكی گرنگی هەبوو بۆ سەركەوتنی راپەڕین لەسلێمانی و ئاسانكردنی راپەڕین لەناوچەكانی تر.

 هەروەها بە ئازادكردنی بازیان توانرا رێگە لەسوپاو هێزە ئەمنییە داپڵۆسێنەرەكەی رژێمی بەعسی فاشیزم لەشاری سلێمانی بگیرێت بۆ ئەوەی لەو رێگە سەرەكییە نێوان سلێمانی – كەركوكەوە هەڵبێن و ئەمەش بەشێك بوو لەو پلانە سەربازییەی كە ئەو كات بەرەی كوردستانی بۆ ئەنجامدانی راپەڕین لە شارەكانی كوردستان رێكی خستبوو.

بە ڤیدیۆ.. بەشداربووانی ڕاپەڕینی بازیان رووداوەكانی رۆژی 6ی ئازاری ساڵی 1991دەگێڕنەوە

PUKMEDIA