هاوخەمی سەرۆك بافڵ بۆ كۆچی دوایی مامۆستا شێخ حسێن شێخ مستەفا

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی ،سەرۆكی یەكێتیی نیشتمانیی كوردستان، بۆ كۆچی دوایی مامۆستا شێخ حسێن شێخ مستەفا، پرسەنامەیەك ئاڕاستەی شێخ جەعفەر شێخ مستەفا، لێپرسراوی ئەنجوومەنی پاراستنی بەرژەوەندییە باڵاكانی یەكێتی و شێخ دلێر شێخ مستەفا دەكات كە ئەمە دەقەكەیەتی:

برای بەڕێزمان كاك شێخ جەعفەر شێخ مستەفا، لێپرسراوی ئەنجوومەنی پاراستنی بەرژەوەندییە باڵاكانی یەكێتیی نیشتمانیی كوردستان 
بەڕێز كاك شێخ دلێر شێخ مستەفا 

بەداخ و خەمێكی زۆرەوە هەواڵی كۆچی دوایی مامۆستا شێخ حسێن شێخ مستەفا، كەسایەتی دیار و برای جەنابتانمان پێگەیشت.
بۆ ئەم خەمە گەورەیە پرسە و سەرەخۆشی ئاڕاستەی ئێوە و كەسوكار و بنەماڵە سەربەرز و تێكۆشەرەكەتان دەكەم كە رۆڵ و پێگەتان لە بزووتنەوەی رزگاریخوازی كوردایەتی و چاكە و خزمەتی گشتی دیار و بەرچاوە و مایەی شانازیمانن.

لەخوای گەورە داواكارین گیانی كۆچكردوو بە بەهەشتی بەرین شادبكات، ئارامی و سەبووری بە هەموولایەكتان ببەخشێت.

بافڵ جەلال تاڵەبانی 
سەرۆكی یەكێتیی نیشتمانیی كوردستان

 PUKMEDIA