شارەزایەکی ئابوری: نرخی‌ نه‌وت په‌یوندییه‌كی‌ پێچه‌وانه‌ی‌ له‌گه‌ڵ‌ ماوه‌ی‌ جه‌نگ هه‌یه‌

الشرق الاوسط

كاریگەری جەنگی ئیسرائیل و ئێران لەسەر وزە و نەوت

شارەزایەکی ئابوری رایدەگەیەنێت، نرخی نەوت پەیوەندییەکی پێچەوانەی لەگەڵ بەردەوامی جەنگ هەیە و ئاشکرای دەکات، تا نرخی نەوت بەرز بێتەوە، ماوەی جەنگ کورتتر دەبێتەوە.

نه‌بیل مه‌رسومی، شاره‌زای بواری ئابوری عیراقی‌ ده‌رباره‌ی‌ كاریگه‌ری‌ به‌رزبوونه‌وه‌ی‌ نرخی‌ نه‌وت له‌ بازاڕه‌كانی‌ جیهان له‌سه‌ر جه‌نگی‌ ئێران له‌گه‌ڵ‌ ئه‌مریكا و ئیسرائیل له‌ پلاتفۆڕمی فەیسبووک نوسیویەتی: نرخی‌ نه‌وت په‌یوندییه‌كی‌ پێچه‌وانه‌ی‌ له‌گه‌ڵ‌ ماوه‌ی‌ جه‌نگ هه‌یه‌، بەشێوەیەک تا نرخی نه‌وت به‌رزبێته‌وه‌ ماوه‌ی جه‌نگه‌كه‌ كورتتر ده‌بێته‌وه‌.

ئاماژەی بەوەشکردووە: به‌رزبوونه‌وه‌ی زۆری نرخی نه‌وت بۆ ماوه‌یه‌كی تاڕاده‌یه‌ك درێژ، ده‌بێته‌ هۆی هه‌ڵاوسان و ئاسته‌نگ بۆ گه‌شه‌كردن و هه‌لی‌ كار دروست ده‌كات، هه‌روه‌ك له‌گه‌ڵ یه‌كێك له‌ ئامانجه‌ ستراتیژییه‌كانی سیاسه‌تی تره‌مپ كه‌ دابینكردنی به‌نزینی هه‌رزانه‌ بۆ هاووڵاتی ئه‌مریكی، یه‌كناگرێته‌وه‌.

ئه‌مه‌ش له‌كاتێكدایه،‌ كه‌ له‌گه‌ڵ‌ ده‌ستپێكردنی‌ هێرشی‌ ئیسرائیل و ئه‌مریكا بۆسه‌ر ئێران ، نرخی‌ نه‌وت له‌ بازاڕه‌كانی‌ جیهان به‌شێوه‌یه‌كی‌ به‌رچاو به‌رزبووه‌ته‌وه‌ به‌جۆرێك نرخی‌ به‌رمیلێك نه‌وتی‌ برێنت گه‌یشته‌ سه‌روو 92 دۆلار.

PUKMEDIA