عیماد ئەحمەد: ژنانی رۆژنامەنووس رۆڵ لەبەرزكردنەوەی هۆشیاریی كۆمەڵگادا دەگێڕن

PUKMEDIA

عیماد ئەحمەد لێپرسراوی مەكتەبی ڕاگەیاندن و هۆشیاری

عیماد ئەحمەد، لێپرسراوی مەكتەبی ڕاگەیاندن و هۆشیاری، بە بۆنەی  (8)ی مارسەوە، پەیامێكی پیرۆزبایی ئاراستەی ژنان و كچانی كوردستان و عیراق دەكات كە ئەمە دەقەكەیەتی:

بە بۆنەی  (8)ی مارس، پیرۆزبایی گەرم ئاراستەی ژنان و كچانی كوردستان و عیراق و جیهان دەكەم. ئەم ڕۆژە هێمای خەباتی ژنانە بۆ بەدەستهێنانی مافەكان و وەستانەوە بەڕووی ستەم و جیاكاری.

هیوامان ئەوەیە لە سایەی هۆشیاریی كۆمەڵگا و هاوكاریی هەمووان، توندوتیژی دژی ژنان كەم بێتەوە و كۆمەڵگایەكی دادپەروەرتر دروست بكرێت. هەروەها پیرۆزبایی ئاراستەی ژنانی میدیاكار و ڕۆژنامەنووس دەكەم كە بە قەڵەم و پەیڤەكانیان رۆڵێكی گرنگ لە بەرزكردنەوەی هۆشیاریی كۆمەڵگا دەگێڕن.

عیماد ئەحمەد
لێپرسراوی مەكتەبی ڕاگەیاندن و هۆشیاری

PUKMEDIA