لێپرسراوی مەڵبەندی هەولێر: یەکێتی بێ جیاوازی بۆ خزمەتکردنی خەڵکەکەی تێدەکۆشێت

PUKMEDIA

رێباز بێركۆتی ئەندامی سەركردایەتی و لێپرسراوی مەڵبەندی 3ی هەولێری یەكێتیی نیشتیمانیی كوردستان

لێپرسراوی مەڵبەندی 3ی هەولێری یەكێتیی نیشتیمانیی كوردستان،لە ساڵیادی رزگاركردنی شاری هەولێر لە پەیامێکیدا رایگەیاند: 35 ساڵ پێش ئێستا بەسەرپەرشتی جەنابی كاك كۆسرەت و بەهاوكاری خەڵكی ڕاپەریوی شاری هەولێر، شارەکە ئازادكرا، دووپاتیشی دەکاتەوە : وەک یەکێتی خۆمان بەخزمەتكاری خەڵكەكەی دەزانین ،تێدەكۆشین بۆ خزمەتكردنیان بەبێ جیاوازی.

دەقی پەیامەکەی لێپرسراوی مەڵبەندی 3ی هەولێر:

لەساڵیادی ڕاپەرینی شاری هەولێر رێباز بێركۆتی لێپرسراوی مەڵبەندی ٣ی هەولێری یەكێتیی پەیامێكی بڵاوكردەوە

جەماوەری قارەمان و تێكۆشەری هەولێر
كەسوكاری سەربەرزی شەهیدان
پێشمەرگە قارەمانەكان و زیندانیانی سیاسی و تێكۆشەرانی دێرین
ژنان و گەنجان و لاوان

ساڵیادی رزگاركردنی شاری هەولێر ،شاری قەڵاو منارو لەهەولێرییەكان پیرۆز دەكەم ،ئەو رۆژە مێژووییە دەبێ بكەینە كەرنەڤاڵێكی گرنگ بۆ پاراستنی یەكریزی و یەك خیتابی ناو ماڵی كورد،چونكە ڕاپەرین بەرهەمی یەكریزیمان بوو لەژێر سایەی بەرەی كوردستانی .

یەكێتیی نیشتیمانیی كوردستان، ئەوێ رۆژێ بەرابەرایەتی سەرۆك مام جەلال ئەو رۆژەی دانابوو كەدەبێ كوردستان ئازاد بێت و حوكمی خۆ بەخۆی بكرێت ،كە ئەو راپەرینە بووە هۆی ئەنجامدانی هەڵبژاردن و دامەزراندنی دامەزراوە شەرعییەكانی پەرلەمان و حكومەت ،ئێستاش یەكێتیی بەسەرۆكایەتی بافل جەلال تاڵەبانی سەرۆكی یەكێتیی نیشتیمانیی كوردستان پارێزەری ئەو دەستكەوتانەیەو گەشەی پێدەدات.

35 ساڵ پێش ئێستا بەسەرپەرشتی جەنابی كاك كۆسرەت بە بروسكەی (لەباوكی رێناسە و بۆ شانە چەكدارەكانی بروسك ،لێتانەوە نزیكین دەستبەكاربن)بەهاوكاری خەڵكی ڕاپەریوی شاری هەولێر و رێكخستنە نهێنییەكان و شانە چەكدارەكان ،هەولێر ئازادكرا و لەرژێمی بەعس پاككرایەوە و لەبەردەم قەڵا و پارێزگای هەولێر سەركەوتن ڕاگەیاندرا.

تێكۆشەران
هەولێر و هەولێرییەكان وەك هەمیشە قارەمانانە و سەربەرزانە چوكیان بەدوژمن داداوە ،لەو رۆژە پیرۆزەدا وەك یەكێتیی نیشتیمانیی كوردستان دووپاتیدەكەینەوە كە خۆمان بەخزمەتكاری خەڵكەكەی دەزانین ،تێدەكۆشین بۆ خزمەتكردنیان بەبێ جیاوازی ،هەموو لایەكیش ئاشنان بەوەی كە هەولێرییەكان هەمیشە وەفادار و خاوەن هەڵوێستی خۆیانن.

دووبارە پیرۆز بیت رۆژی ڕاپەرینی شاری هەولێر ،سەری رێز و نەوازشیش دادەنوێنم بۆ شەهیدانی ڕاپەرین و ئازادی خەڵكی هەولێر .

رێباز بێركۆتی
ئەندامی سەركردایەتی و لێپرسراوی مەڵبەندی 3ی هەولێری یەكێتیی نیشتیمانیی كوردستان

PUKMEDIA