50 لیتر نەوت بۆ هەر خێزانێکی کەرکوک دابین دەکرێت

کوردسات نیوز

دابەشکردنی نەوت

بەهۆی ئەو شەپۆلی سەرمایەی رووی لەهەرێمی کوردستان و بەتایبەت شاری کەرکوک کردووە، بڕیارە لەناوچەکە هەر خێزانێک 50 لیتر نەوتی پێبدرێت.

دیلان غەفور ئەندامی ئەنجومەنی نوێنەرانی عیراق بەوێبسایتی رەسمیی یەکێتیی نیشتمانیی کوردستان PUKMEDIA ی رایگەیاند: رەزامەندیمان وەرگرتووە بۆ پێدانی 50 لیتر نەوت بۆ هەر خێزانێکی کەرکوک.

راشیگەیاند: لە میانی سەردانێکی ئەمڕۆمدا لە بەغداد بۆلای حسێن تاڵب بەڕێوەبەری گشتیی کۆمپانیای بەرهەمە نەوتییەکان، رەزامەندیمان وەرگرت بۆ پێدانی بڕی 50 لیتر نەوت بە هەر خێزانێکی پارێزگای کەرکوک بەهۆی ئەو شەپۆلی سەرمایەی رووی لە ناوچەکە کردووە.

PUKMEDIA