نرخی نەوت گەیشتەوە 100 دۆلار

daily times

بەرمیلی نەوت

نرخی ئەمڕۆی نەوت لە بازاڕەکانی جیهاندا بەرزبونەوەی تۆمار کردوو، نرخی هەر بەرمیلێک نەوتی پرێنت گەیشتەوە سەروو 100 دۆلار.

لەگەڵ ئەوەی لەچەند رۆژی رابردوودا نرخی بەرمیلێک نەوت لە 110 دۆلار نزیک بوەوە، دواتر جارێکی تر دابەزییەوە بۆ خوار 100 دۆلار و ئەمڕۆش دیسان نەخی بەرمیلێک نەوتی پرێنت گەیشتە 100 دۆلار و 29 سەنت و بەراورد بە رۆژی 10ی ئەم مانگە 7 دۆلار بەرزبوەتەوە.

هاوکات نرخی بەرمیلێک نەوتی خاو گەیشتە 94 دۆلار و 55 سەنت و ئەوەش بەراورد بە رۆژی 10ی ئەم مانگە 5 دۆلار بەرزبوەتەوە.

لەگەڵ ئەوەی جەنگ هۆکارە بۆ بەرزبونەوەی بەرچاوی نرخی نەوت لە بازاڕەکانی جیهاندا، کاریگەری قسەکانی دۆناڵد ترەمپ سەرۆکی ئەمریکاش یاری بە نرخی ئەو کاڵایە دەکەن.

PUKMEDIA