داخستنی ئاسمانی عیراق بۆ ماوەی 72 سەعاتی دیکە درێژکرایەوە

فلای رادار

ئاسمانی عیراق و وڵاتانی ناوچەکە

ئەمڕۆ دوو شەممە 16ی ئازاری 2026، دەسەڵاتی فڕۆکەوانی مەدەنی عیراق درێژکردنەوەی ماوەی داخستنی ئاسمانی عیراقی بۆ ماوەی 72 سەعاتی دیکە راگەیاند.

لە بەیاننامەیەکدا، دەسەڵاتی فڕۆکەوانی مەدەنی عیراق، رایگەیاند: بڕیاریانداوە داخستنی ئاسمانی عیراق بۆ هەموو فڕۆکە هاتوو و رۆیشتوو و ترانزێتییەکان بۆ ماوەی 72 سەعات درێژبکرێتەوە، کە لە سەعات 12:00ی پاشنیوەڕۆی ئەمڕۆ دوو شەممە 16ی ئازاری 2026 دەستپێدەکات، تا سەعات 12:00ی پاشنیوەڕۆی پێنج شەممە 19ی ئازاری 2026، وەک رێکارێکی کاتی و خۆپارێزى.

لە راگەیەنراوەکەدا هاتووە: ئەم بڕیارە لەسەر بنەمای هەڵسەنگاندنی بەردەوامی دۆخی ئەمنی و پێشهاتەکانی ناوچەکە دراوە و بەگوێرەی پێشهاتە نوێیەکان، بڕیارەکە هەڵسەنگاندنی بۆ دەکرێتەوە.

ئەمەش لە کاتێکدایە، وەزارەتی گواستنەوە و گەیاندنى عیراق رۆژی شەممە 28ى2ى2026 داخستنی ئاسمانی عیراقی راگەیاند، دوای هێرشەکانی ئەمریکا و ئیسرائیل کە تارانی پایتەختی ئێران و شارەکانی دیکەی ئێرانیان کردە ئامانج، هەروەها زۆربەی وڵاتانی دیکەی ناوچەکە ئاسمانی خۆیان داخست.

PUKMEDIA