دواین هاوکاری زیانلێکەوتووانی لافاوەکەی چەمچەماڵ دابەشدەکرێت

نوسینگەی رۆژنامەوانی قوباد تالەبانی

سەرداننی قوباد تاڵەبانی بۆ چەمچەماڵ/ ئەرشیف

ئەمڕۆ 18ی3ی2026 دواین هاوکاریی زیانلێکەوتووانی لافاوەکەی چەمچەماڵ کە بڕەکەی زیاتر لە 471 ملیۆن دینارە و بەسەر 187 کەسدا دابەشدەکرێت، بەڕێوەدەچێت.

بەپێی زانیارییەکانی PUKMEDIA ئەمڕۆ كۆمسیۆنی فریاگوزاری و بوژاندنەوەی چەمچەماڵ هاوکاریی ئەو زیانلێکەتووانە دەکات، کە پێشتر لیژنەکان نەیانبینیوون یاخود سکاڵایان هەبووە و سکاڵاکەیان پەسند کراوە، کە ژمارەیان 187 کەسە.

هەربەپێی زانیارییەکان دابەشکردنی هاوکارییەکان بەمشێوەیەن:   

-نیشتەجێبوون 42 کەیس، کە کەمترین بڕی هاوکاری 500 هەزارەو زۆرترین بڕی هاوکاریش 9 ملیۆندینارە، کۆی گشتی تێچووەکەشی 80 ملیۆن و 50 هەزار دینارە.

-بازرگانی45  کەیس، کە کەمترین بڕی هاوکاری 250 هەزارە و زۆرترین بڕی هاوکاریش 9 ملیۆندینارە، کۆی گشتی تێچووەکەشی 120 ملیۆن دینارە.

-ئۆتۆمبێل 18 کەیس، کۆی گشتی تێچووەکەی 80 ملیۆن و 50 هەزر دینارە.

-بیناسازی 82 کەیس، کۆی گشتی تێچووەکەی 244 ملیۆن دینارە.

-کۆی گشتی هاوکارییەکانیش  471ملیۆن و 950 هەزار دینارە.

رۆژى 22ى12ى2025 قۆناغی یەکەمی دابەشکردنی هاوکارییەکان بەسەر خێزانە زیانلێکەوتووەکانی لافاوەکەی قەزای چەمچەماڵدا دەستپێکرد و لەو قۆناغەدا هەزار و 302 خێزان کە زیان بە ماڵ و خانووەکانیان گەیشتبوو، لە رێگەی چەکی بانکییەوە هاوکارییان وەرگرت و دواتریش بە چەند قۆناغێکی تر هاوکارییەکان دابەشکران، ئەمڕۆش کۆتا قۆناغ بۆ هاوکاریکردنیان ئەنجامدرا.

ئەمەش لەکاتێکدایە رۆژى 9ى12ى2025 لافاو لە سنوورى قەزاى چەمچەماڵ روویدا و زیانێکى زۆرى ماددى و گیانى لێکەوتەوە و بەهۆیەوە سەدان ماڵ ئاو چووە ناو ماڵەکانیان.

PUKMEDIA