دەزگای ئاسایشی هەرێم: لە دوو ڕۆژدا 16 هێرش کراوەتە سەر سلێمانی و کۆیە

PUKMEDIA

لۆگۆی دەزگای ئاسایش

دەزگای ئاسایشی هەرێم ئاماری هێرشەکانی دوو رۆژی رابردوو رادەگەیەنێت، بەپێی ئامارەکە لەو دوو رۆژەدا 16 هیرشی درۆنی و مووشەکی کراوەتە سەر سلێمانی و قەزای کۆیە.

لەڕاگەیەنراوێکدا دەزگای ئاسایشی هەرێم رایگەیاند: رۆژی سێشەممە17ی 3ی2026 (3)هێرشی درۆنی و (2)هێرشی موشەکی کراوەتە سەر شاری سلێمانی - بارەگای هێزەکانی (70) لەئەنجامدا دوو پێشمەرگەی وەزارەتی پێشمەرگە بەسووکی برینداربوون و هەروەها زۆربەی هێرشەکان لەئاسمان تێکشکێنراون.

هاوکات  (2) هێرشی درۆنی سەعات 3:50 دەقیقەکراوەتە سەر شاروچکەی کۆیە کەمپی پەنابەران، لەئەنجامدا دوو کارمەندی ئاگركوژێنەوەی خلیفان به سوكى بریندار بوون له كاتى جێبەجێکردنی ئەرک و فەرماندا.

راشیگەیاند:رۆژى چوارشەممە 18ی 3ی2026 (2)هێرشی درۆنی کراوەتە سەر شاری سلێمانی - بارەگاى هێزەکانی (70)

هاوکات (1) هێرشی درۆنی سەعات 2:00ی سەرلەبەیانی کراوەتە سەر سەنتەری شارۆچکەی کۆیە، لەدوای سەعات 1:30دەقیقەی دووا نیوەڕۆ تائێستا (6) هێرشی درۆنی کراوەتە سەر شارۆچکەی کۆیە -کەمپی پەنابەران و هیچ زيانێکی گيانى نەبووە و زۆربەی هێرشەکان لەئاسمان تێکشکێنراون.

PUKMEDIA