نرخی نەوت 112ی دۆلاری تێپەڕاند

INA

نرخی نەوت

ئەمڕۆ 19ی3ی2026، نرخی نەوتی برێنت بە ڕێژەی زیاتر لە 5% بەرزبووەوە و بەشێوەیەک یەک بەرمیل  بە 112 دۆلار و 86 سەنت مامەڵەی پێوەکرا.

لەگەڵ بەردەوامی  ئاڵۆزییەکانی ناوچەکە و داخرانی گەروی هورمز،  نرخی نەوت بەردەوامە لە بەرزبوونەوە، بەشێوەیەک نەوتی برێنت بە رێژەی %5.1 بەرزبووە و یەک بەرمیل نەوت بە 112 دۆلار و 86 سەنت مامەڵەی پێوە دەکرێت، هەروەها نەوتی تێکساس  بەرێژەی %2.5 بەرزبووە و بە 98 دۆلار و 65 سەنت مامەڵەی پێوەدەکرێت.

بەهۆی جەنگی ئیسرائیل و ئەمریکا دژی ئێران لە 28ی2ی2026، نرخی نەوت بەردەوامە لە بەرزبوونەوە، بەتایبەت دوای ئەوەی ئێران گەروی هورمزی داخست، کە %20ی هەناردەی نەوتی جیهانی پێدا تێدەپەڕێت، ئەمە جگە لەوەی بەهۆی جەنگەوە ژێرخانی وزە بە ئامانج دەگیرێت، ئەمەش هۆکارێکی دیکەی بەرزبوونەوەی نرخی نەوتە.

PUKMEDIA