رێبوار تەها پەیامێکى هاوخەمى بۆ شەهیدبوونى سەرمەد تەیب بەرزنجی بڵاوکردەوە

نوسینگەى راگەیاندنى رێبوار تەها

رێبوار تەها

 ئێوارەی ئەمڕۆ رێبوار تەها کە پارێزگارى کەرکوک و سەرۆکی لیژنەی باڵای ئەمنی کەرکوکە، پێشوازیى لە تەرمی شەهید ئەفسەر سەرمەد تەیب بەرزنجی کرد و پەیامێکى هاوخەمى بڵاوکردەوە و رایگەیاند: بە خەم و پەژارەیەکی زۆرەوە، هەواڵی شەهیدبوونی ئەفسەر و ڕۆڵەی کەرکوک (سەرمەد تەیب بەرزنجی)مان پێگەیشت، کە لەکاتی راپەڕاندنی ئەرکەکەیدا لە ناو تەلاری دەزگای هەواڵگری نیشتمانی لە بەغدادی پایتەخت شەهید بوو.

دەقى پەیامەکە:

بە خەم و پەژارەیەکی زۆرەوە، هەواڵی شەهیدبوونی ئەفسەر و ڕۆڵەی کەرکوک (سەرمەد تەیب بەرزنجی)مان پێگەیشت، کە لەکاتی ڕاپەڕاندنی ئەرکەکەیدا لە ناو تەلاری دەزگای هەواڵگری نیشتمانی لە بەغدای پایتەخت شەهید بوو.

ئێوارەی ئەمڕۆ پێشوازیمان لە تەرمی پیرۆزی کرد و سەرەخۆشیمان لە بنەماڵە و کەسوکارە بەڕێزەکەی کرد.

لێرەوە سەرەخۆشی لە بەڕێز سەرۆکی دەزگای هەواڵگری و ئەفسەران و کارمەندانی دەزگاکە دەکەین.

داواکارین لە خوای گەورە شەهید بە ڕەحمەتی خۆی شاد بکات و سەبووری و ئارامی بە بنەماڵە و کەسوکاری ببەخشێت.

إنا لله وإنا إليه راجعون..
ڕێبوار تەها
پارێزگاری کەرکوک
سەرۆکی لیژنەی باڵای ئەمنی

PUKMEDIA