ئاماری شۆكهێنەر لەبارەی زیانەكانی ئێران-ەوە بڵاودەكرێتەوە

bbc

زیانەكانی ئێران

مانگی سووری ئێرانی ئامارێك سەبارەت بەزیانەكانی ئێران بڵاودەكاتەوەو رایدەگەیەنێت: زیاتر لە 85 هەزار یەكەی نیشتەجێبوون و بازرگانی رووخاون.

مانگی سووری ئێرانی ئامارێكی شۆكهێنەری سەبارەت بەو زیانانە بڵاوكردەوە كە بەهۆی هێرشە ئاسمانییەكانی ئیسرائیل و ئەمریكاوە لەئێران كەوتوونەتەوەو رایگەیاند: زیاتر لە 85 هەزار یەكەی نیشتەجێبوون و بازرگانی رووخاون، كە 26 هەزار و 717 یەكەیان لەتاران بوون.

راشیگەیاند:  لەوژمارەیە، 282 یەكەیان سەنتەری چاودێری تەندروستی و چارەسەركردن و فریاكەوتن بوون و 600 دانەیان خوێندنگە و 17 دانەی دیكەشیان سەنتەری مانگی سوور بوون.

هەربەپێی ئامارەكەی مانگی سووری ئێرانی، 46 ئەمبوڵانس و سێ هێلیكۆپتەری رزگاركردنی سەر بە مانگی سوور و فریاكەوتنی خێرا زیانیان بەركەوتووە.

رۆژی شەممە 28ی 2ی 2026، هێرشی هاوبەشی ئیسرائیل ئەمریكا بۆسەر ئێران دەستیپێكردو تاوەكو ئێستا بەردەوامە.

PUKMEDIA