عیراق لەڕێگەی وشكانیی سوریاوە نەوت هەناردە دەكات

راگەیاندنی وەزارەتی نەوتی عیراق

وەزارەتی نەوتی عیراق

عیراق لە رێگەی وشكانیی سوریاوە نەوت هەناردە دەكات و وەزارەتی نەوتی وڵاتەكەش رایدەگەیەنێت: ئاسایشی گەیشتنی نەوتەكە تاوەكو دەروازەكانی هەناردەكردن، لەلایەن وڵاتی سوریاوە دابین دەكرێت.

ئەمڕۆ 2 ی نیسانی 2026، نووسینگەی راگەیاندن و پەیوەندییەكانی وەزارەتی نەوتی عیراق رایگەیاند: بە مەبەستی پاڵپشتیكردنی ئابوریی نیشتمانی و دابینكردنی داهاتی دارایی بۆ خەزێنەی دەوڵەت، وەزارەتی نەوت دەستیكردووە بە هەناردەكردنی نەوتی خاو بە تانكەر لە رێگەی وڵاتی سوریاوە.

وەزارەتەكە راشیگەیاندووە: ئاسایشی گەیشتنی نەوتی عیراق لەناو خاكی سوریاوە تاوەكو دەروازەكانی هەناردەكردن، لەلایەن وڵاتی سوریاوە دابین دەكرێت و پڕۆسەكە بە شێوەی پلەبەندی بەڕێوەدەچێت و هەناردەكردنیش بەردەوام زیاد دەكات بۆ بەهێزكردنی ئابوری عیراق.

ئەمەش لە كاتێكدایە، پێشتر وەزارەتی نەوتی عیراق، لە رێگەی بەندەری جەیهانی توركیاوە نەوتی خاوی هەناردە دەكرد.

PUKMEDIA