دەزگای ئاسایشی هەرێم ئاماری هێرشی 48 سەعاتی رابردوو رادەگەیەنێت

PUKMEDIA

لۆگۆى دەزگای ئاسایشی هەرێمى کوردستان

ئەمڕۆ شەممە 4ى4ى2026 دەزگای ئاسایشی هەرێمى کوردستان راگەیەندراوێکى سەبارەت بە هێرشەکانى 48 سەعاتى رابردوو بۆ سەر هەرێمى کوردستان بڵاوکردەوە و بە پێى راگەیەنراوەکە لە رۆژى هەینیدا هەشت هێرشى درۆنى و لە رۆژى شەممەدا پێنج هێرشى درۆنى بۆ سەر هەرێمى کوردستان ئەنجامدراوە.

دەزگای ئاسایشی هەرێمى کوردستان رایگەیاند: لە رۆژى هەینى 3ى4ى2026 دا، یەک هێرشی درۆنی سەعات 3:45 دەقیقەی دوای نیوەڕۆ و حەوت هێرشی درۆنی لە نێوان سەعات 6 بۆ7ی ئێوارە کراوەتە سەر شاری کۆیە - کەمپی پەنابەران.

هاوکات دەزگای ئاسایشی هەرێم ئامارى هێرشەکانى رۆژى شەممە 4ى4ى2026ى راگەیاند و ئاماژەى بە ئەوە کرد: بە دوو درۆن سەعات 2:58 و 3:23 دەقیقەی بەیانی رۆژی شەممە هێرشکرایە سەر فەرماندەیی هێزەکانی (70) و بە دوو درۆن سەعات 7:15 و 7:20 دەقیقەى ئێوارە هێرشکرایە سەر شاری کۆیە - کەمپی پەنابەران و بە یەک درۆن سەعات 8:39 دەقیقەی شەو گوندی شێخ وەیساوای نزیک شاری سلێمانی کەوتوەتە خوارەوە.

لە راگەیەنراوەکەى دەزگاى ئاسایشى هەرێمى کوردستاندا هاتووە: هیچ زيانێکی گيانى لە دەرئەنجامی هێرشەکان نەبووە.

PUKMEDIA