ئەمڕۆ رۆژی جیهانی تەندروستییە

ماڵپەڕی تەندروستی سلێمانی

ڕۆژی جیهانیی تەندروستی

هەموو ساڵێک 7ی نیسان بە ڕۆژی جیهانیی تەندروستی دەستنیشان کراوە، ئەمەش بۆ ئەوە دەگەڕێتەوە کە "رێکخراوی تەندروستی جیهانی WHO" لە 7ی نیسانی ساڵی 1948 دامەزراوە، هاوکات ساڵی 1950 بۆ یەکەم جار ئەو یادە کرایەوە و بەڕەسمی رۆژەکە کرا بە ڕۆژی جیهانیی تەندروستی.

یادی ڕۆژی جیهانیی تەندروستی  هەر ساڵە و لەژێر ناونیشانێک و گرنگیدان بە بابەتێکی دیاریکراو دەکرێتەوە و هەر جارە و تیشک دەخرێتە سەر بابەتێکی تەندروستی دیاریکراو و لەبارەیەوە گفتوگۆ دەکرێت و چارەسەریی و هۆشیارکردنەوەی تاک لەسەر ئەو بابەتە تەندروستییە دەخرێنە بەرباس، کە هەموو تاکێکی کۆمەڵگە لەڕێگەی ئەنجامدانی چالاکی تەندروستی هەمەجۆرەوە دەتوانێت بەشداریی لەو ڕۆژەدا بکات.

رێکخراوی تەندروستی جیهانی

لە 7ی نیسانی ساڵی 1948 رێکخراوی تەندروستی جیهانی WHO دامەزرا و بارەگای سەرەکی لە جنێفی سویسرایە، رێکخراوێکی سەر بە نەتەوە یەکگرتووەکانی ئەمریکایە و بەمەبەستی گرنگیدان بە تەندروستی گشتی لە هەموو وڵاتانی جیهان دامەزراوە، لەگەڵ دابینکردنی هاوکاریی تەندروستی بۆ ئەو وڵاتانەی کە نەخۆشییان تێدا بڵاوبووەتەوە و کێشە و قەیرانی تەندروستیان هەیە. 

PUKMEDIA