قوباد تاڵەبانى: ئێزدییەکان یەکێکن لە رەسەنترین و دێرینترین پێکهاتەکان

نوسینگەى راگەیاندنى قوباد تاڵەبانى

قوباد تاڵەبانى

قوباد تاڵه‌بانی به‌بۆنه‌ی جه‌ژنی سه‌ری ساڵی ئێزدییه‌كان په‌یامێكی بڵاوكرده‌وه‌ و رایگه‌یاند: بۆنه‌ و جه‌ژنه‌كانی ئێزدییان هه‌میشه‌ ده‌رفه‌تێكی باڵان بۆ پته‌وكردنی گیانی ته‌بایی و قووڵكردنه‌وه‌ی زیاتری ڕ‌ه‌گه‌كانی پێكه‌وه‌ژیان له‌ نێوانماندا.

ده‌قی په‌یامه‌كه‌:

به‌بۆنه‌ی جه‌ژنی سه‌ری ساڵی ئێزدییه‌كان، گه‌رمترین و جوانترین پیرۆزبایی ئاڕاسته‌ی خوشك و برایانی ئێزدی له‌ كوردستان و جیهان ده‌كه‌م، هیوادارم ئه‌م جه‌ژنه‌ ببێته‌ مایه‌ی خێر و خۆشی و سه‌ره‌تای ساڵێكی پڕ‌ له‌ ئارامی و كۆتاییهاتن به‌ هه‌موو ئازار و ناخۆشییه‌كانی ڕ‌ابردوو.

بۆنه‌ و جه‌ژنه‌كان هه‌میشه‌ ده‌رفه‌تێكی باڵان بۆ پته‌وكردنی گیانی ته‌بایی و قووڵكردنه‌وه‌ی زیاتری ڕ‌ه‌گه‌كانی پێكه‌وه‌ژیان له‌ نێوانماندا، كوردستان به‌ مۆزاییكی ده‌وڵه‌مه‌ندی پێكهاته‌كانییه‌وه‌ ده‌دره‌وشێته‌وه‌و خوشك و برا ئێزدییه‌كانیشمان، وه‌ك یه‌كێك له‌ ڕ‌ه‌سه‌نترین و دێرینترین پێكهاته‌كان، به‌شێكی دانه‌بڕ‌او و شكۆداری ئه‌م خاكه‌ و مێژووه‌كه‌ی پێكده‌هێنن.

PUKMEDIA