سەرۆکایەتیی کۆمار: جەخت لە پاراستنی ماف و کەرامەتی ئێزدییەکان دەکەینەوە

ئادەم میرانى

جه‌ژنی سه‌ری ساڵی ئێزدییه‌كان

سەرۆکایەتی کۆمارى عیراق به‌بۆنه‌ی جه‌ژنی سه‌ری ساڵی ئێزدییه‌كان په‌یامێكی بڵاوكرده‌وه‌ و رایگه‌یاند: جەخت لە پابەندبوونی نەگۆڕی خۆمان دەکەینەوە بۆ پاراستنی مافەکانیان و دەستەبەرکردنی کەرامەتیان و کارکردنی جیددی بۆ دادپەروەری و قەرەبووکردنەوەی قوربانییەکان و چەسپاندنی بەهاکانی دادپەروەری و پێکەوەژیانی ئاشتییانە لەنێوان هەموو پێکهاتەکانی گەلەکەماندا.

دەقى پەیامەکە:

بەبۆنەی هاتنەوەی سەری ساڵی ئێزیدی، گەرمترین پیرۆزبایی ئاراستەی ڕۆڵەکانی گەلی ئێزیدی لە عێراق و جیهان دەکەین، هیوای جەژنێکی پڕ لە خێر و ئاشتی و ئارامییان بۆ دەخوازین.

ئەم بۆنە دێرینە هێمایەکی ڕەسەنایەتی و قوڵە لە مێژووی وڵاتەکەماندا، و ڕەنگدانەوەی ئەو دەوڵەمەندییە کولتووری و ئایینییەیە کە وڵاتەکەمانی پێ دەناسرێتەوە، کە هەمیشە سەرچاوەی هێز و یەکگرتوویی گەلەکەی بووە.

لەم بۆنەیەدا، لەکاتێکدا ئەو مەینەتی و ئازارانە بەبیر دەهێنینەوە کە ڕووبەڕووی ئێزیدییەکان بوونەوە، جەخت لە پابەندبوونی نەگۆڕی خۆمان دەکەینەوە بۆ پاراستنی مافەکانیان و دەستەبەرکردنی کەرامەتیان و کارکردنی جیددی بۆ دادپەروەری و قەرەبووکردنەوەی قوربانییەکان، و چەسپاندنی بەهاکانی دادپەروەری و پێکەوەژیانی ئاشتییانە لەنێوان هەموو پێکهاتەکانی گەلەکەماندا.

هەموو ساڵێک ڕۆڵەکانی گەلی ئێزیدی بە خۆشی ئەم جەژنە بەڕێبکەن و  لە خودا داواکارین ئەم بۆنەیە بۆ عێراق بە خێر و سەقامگیری بگێڕێتەوە.

سەرۆکایەتی کۆمار

PUKMEDIA