بەهەوڵی بڕیاردەری فراكسیۆنی یەكێتی دەرمان بۆ تووشبووانی هیمۆفیلیا دابیندەكرێن

PUKMEDIA

سروە محەمەد، بڕیاردەری فراكسیۆنی یەكێتی و دكتۆر ساڵەح مەهدی حەسناوی، وەزیری تەندروستی عیراق

لەسەر داوای بڕیاردەری فراكسیۆنی یەكێتی، وەزیری تەندروستی عیراق بڕیاریدا بە دابینكردنی دەرمان و پێداویستی پزیشكی بۆ 300 تووشبووی نەخۆشی (هیمۆفیلیا) روونبوونەوەی خوێن بۆ نەخۆشخانەی هیوا.

سروە محەمەد، بڕیاردەری فراكسیۆنی یەكێتی لەئەنجومەنی  نوێنەرانی عیراق، بەوێبسایتی رەسمی یەكێتیی نیشتمانیی كوردستان PUKMEDIA ی راگەیاند: سەردانی وەزارەتی تەندروستی عیراق-م كردو لەلایەن دكتۆر ساڵەح مەهدی حەسناوی، وەزیری تەندروستی عیراقەوە پێشوازیم لێكرا .

راشیگەیاند: لەسەردانەكەدا رەزامەندی وەزیری تەندروستی عیراق-م وەرگرت بە دابینكردنی دەرمان و پێداویستی پزیشكی بۆ 300 تووشبووی نەخۆشی (هیمۆفیلیا) روونبوونەوەی خوێن بۆ نەخۆشخانەی هیوا لەسلێمانی.

ئەمەش لەكاتێكدایە، رۆژی 9ی 4ی 2026، فراكسیۆنی یەكێتیی نیشتمانیی كوردستان، لەئەنجومەنی نوێنەرانی عیراق، رەزامەندی وەزارەتی تەندروستی عیراقی وەرگرت لەسەر دروستكردنی نەخۆشخانەیەكی 100 قەرەوێڵەیی لەخانەقین.

PUKMEDIA 

دەقی بڕیارەكە: