شێخ سالار: بۆ سەربەستی گەلەکەمان چەکی کوردایەتیمان لە شان نا

PUKMEDIA

سکرتارییەتی سەرۆک مام جەلال لەسەردانی هەڤاڵ شێخ سالار

رۆژی ٢٠ـی٤ـی ٢٠٢٦ مەکتەبی سکرتارییەتی سەرۆک مام جەلال لە شاری سلێمانی هەڤاڵ سالار جەلال رؤوف ناسراو بە ( شێخ سالار )پيشمەرگە و تێکۆشەری دێرین ـیان بەسەر کردەوە .

لەو بەسەر کردنەوەیەدا ؛ مەکتەبی سکرتارییەتی سەرۆک مام جەلال لە نزیکەوە لە هەواڵ و بارودۆخی تەندروستی شێخ سالار جەلال ییان پرسییەوە بەهۆی نەخۆشکەوتنیەوە لەماوەی رابردوودا ؛ و هیوای سەلامەتی زیاتر و تەندروستی باشترییان بۆ خواست .

مەکتەبی سکرتارییەتی سەرۆک مام جەلال بە شکۆوە رابردوو و خەباتی پڕ تێکۆشانی هەڤاڵ شێخ سالار ـییان خستەروو وەک پێشمەرگەیەکی دڵسۆز و سەر راست کە هەر لە سەرەتاوە بەبیری قوڵی نیشتمانیی لە ناو ریزەکانی یەکێتی دا دەستی دایە شۆڕش و خەبات بۆ سەربەستی گەلەکەی . لەبەرامبەر ئەو رابردووەشدا پەیامی یەکێتیانەی سەرۆک بافڵ و هەڤاڵ قوباد تاڵەبانی ـیان ئاڕاستەکرد و رێزییان لە رابردووی پاک ـیان نا .

هەڤاڵ شێخ سالار جەلال سوپاسی بەسەرکردنەوەکەی کردوو جەختی کردەوە بەشانازییەوە بۆ سەربەستی گەلەکەم چەکی شەرەف و کوردایەتیمان لە شان نا، هەتا ژیان دەرفەت بدات لەسەر هەمان رێباز بەردەوام دەبین .

PUKMEDIA